ЗША ўвялі санкцыі супраць 16 грамадзян Беларусі і 5 установаў

Злучаныя Штаты ўвялі санкцыі супраць 16 грамадзян Беларусі і 5 установаў. Адпаведнае рашэньне апублікаванае на сайце Міністэрства фінансаў ЗША.

Сьпіс установаў, якія трапілі пад санкцыі ЗША:

• Камітэт дзяржаўнай бясьпекі
• Галоўнае ўпраўленьне па барацьбе з арганізаванай злачыннасьцю і карупцыяй Міністэрства ўнутраных спраў
• Унутраныя войскі Міністэрства ўнутраных спраў
• Упраўленьне ўнутраных спраў Берасьцейскага аблвыканкаму
• Турма на Акрэсьціна ў Менску

Сьпіс грамадзян, якія трапілі пад санкцыі ЗША:

1. Аляксандар Астрэйка — начальнік упраўленьня ўнутраных спраў Менскага аблвыканкаму (прызначаны 30 красавіка 2021), які раней займаў аналягічную пасаду ў Берасьці
2. Міхаіл Грыб — начальнік упраўленьня ўнутраных спраў Менгарвыканкаму. Да кастрычніка 2020 году ўзначальваў упраўленьне ўнутраных спраў Віцебскага аблвыканкаму
3. Андрэй Гуржы — сябра Цэнтравыбаркаму
4. Вольга Дарашэнка — сябра Цэнтравыбаркаму
5. Сяргей Зубкоў — камандзір групы «Альфа» (спэцназ)
6. Сяргей Каліноўскі — сябра Цэнтравыбаркаму
7. Мікалай Карпянкоў — намесьнік міністра ўнутраных спраў, былы начальнік ГУБАЗіК.
8. Сьвятлана Кацуба — сябра Цэнтравыбаркаму
9. Натальля Качанава — старшыня Савету Рэспублікі
10. Аляксандар Ласякін — сябра Цэнтравыбаркаму
11. Ігар Плышэўскі — сябра Цэнтравыбаркаму
12. Марына Рахманава — сябра Цэнтравыбаркаму
13. Іван Тэртэль —​ старшыня Камітэту дзяржаўнай бясьпекі
14. Ірына Цалікавец — сябра Цэнтравыбаркаму
15. Андрэй Швед — генэральны пракурор
16. Натальля Эйсмант — прэс-сакратарка Аляксандра Лукашэнкі

Сёньня ж на пасяджэньні ў Люксэмбургу міністры замежных спраў Эўразьвязу зацьвердзілі чацьвёрты пасьля прэзыдэнцкіх выбараў 2020 году ў Беларусі пакет санкцый супраць беларускага рэжыму.

Санкцыйны сьпіс складаецца з 78 чалавек і 8 арганізацый, якім замарожваюцца актывы і забараняецца выдача візаў у Эўразьвяз.

ГЛЯДЗІЦЕ ТАКСАМА:

Хто ў чацьвёртым пакеце санкцыяў Эўразьвязу. Поўны сьпіс