З 1 верасьня ў школах уводзіцца пасада кіраўніка вайскова-патрыятычнага выхаваньня. «Усяго каля дзьвюх тысяч ставак», — паведаміў міністар адукацыі Ігар Карпенка.
Міністар абароны Віктар Хрэнін прапанаваў, каб школьнікаў таксама вучылі кадравыя вайскоўцы.
Улады распрацавалі праграму патрыятычнага выхаваньня насельніцтва і ствараюць Рэспубліканскі цэнтар патрыятычнага выхаваньня.
«Гэта трэба, каб моладзь усьведамляла свой абавязак перад Айчынай і ня думала, што служба ў войску — гэта страта часу», — сказаў Хрэнін.
