У Івацэвіцкім раёне затрымалі каля 40 сябраў страйкаму «Беларуськалію». Пра гэта расказалі калегі затрыманых. Іх павезьлі ў Івацэвіцкі РАУС для высьвятленьня асобаў, — паведамляе Tut.by.
Работнікі «Беларуськалію» паехалі ў аўтобусную экскурсію на радзіму Тадэвуша Касьцюшкі ў Косава.
«Іх туды паехала каля 50 чалавек, аўтобус на 54 месцы. Усе яны сябры страйкаму, — расказаў калега затрыманых. — Мабыць, у іх была нейкая сымболіка, якая і стала прычынай затрыманьня.
Работнікаў «Беларуськалію» адвезьлі ў Івацэвіцкі РАУС. Па словах затрыманых, сілавікі хочуць выявіць іх асобы, перапісваюць зьвесткі. Адпусьцяць іх ці не, сілавікі ня кажуць.
Тэлеграм-канал страйкаму «Беларуськалію» ўдакладняе колькасьць затрыманых — 42.
Пазьней паведамілі, што некаторыя з затрыманых застануцца ў Івацэвіцкім РАУС да суду. Куды даставяць астатніх – пакуль незразумела.
