За першую дэкаду красавіка на расейска-беларускай мяжы мабільныя групы Рассельгаснагляду затрымалі чатыры дзясяткі транспартных сродкаў з санкцыйнай прадукцыяй бязь фітасанітарных дакументаў. Зь іх 36 — зь яблыкамі і грушамі, гаворыцца на сайце расейскага ведамства.
Такую сытуацыю расейскі бок зьвязвае з уведзенымі раней абмежаваньнямі па рээкспарце плодаагародніннай прадукцыі зь Беларусі.
У сувязі з гэтым Рассельгаснагляд прыняў рашэньне аб увядзеньні з 12 красавіка часовых абмежаваньняў на пастаўкі яблыкаў і груш зь Беларусі — да ўрэгуляваньня спрэчнай сытуацыі.
