Як сказаў польскім СМІ хірург Томаш Стэфаняк, мэр Гданьску Павал Адамовіч перанёс апэрацыю пасьля нападу 13 студзеня, у якім атрымаў сур’ёзныя раненьні сэрца, дыяфрагмы і ўнутраных органаў.
Апэрацыя Адамовіча трывала пяць гадзін. Паводле словаў Стэфаняка, стан пацыента «вельмі цяжкі». У Гданьску абвясьцілі збор крыві для пацярпелага.
Напад адбыўся падчас фіналу штогадовай дабрачыннай акцыі «Вялікі аркестар сьвяточнай дапамогі». На сцэну, дзе адбывалася дзея, забег мужчына і ўдарыў палітыка нажом. Пасьля гэтага нападніка затрымалі.
