UEFA аштрафавала Беларускую фэдэрацыю футболу на 3000 эўра за паводзіны беларускіх фанатаў падчас матчу Лігі нацыяў паміж зборнымі Малдовы і Беларусі ў Кішынэве, паведамляе «Прессбол».
Падчас стартавых матчаў Лігі нацыяў UEFA з удзелам нацыянальнай зборнай Беларусі былі зафіксаваныя інцыдэнты зь піратэхнічнымі вырабамі.
27 верасьня Кантрольна-дысцыплінарная і этычная інстанцыя UEFA вырашыла дысцыплінарна пакараць асацыяцыю «Беларуская фэдэрацыя футболу» штрафам у 3000 эўра. Прычына — выкарыстаньне піратэхнічных вырабаў на гасьцявым фанацкім сэктары падчас матчу зборных Малдовы і Беларусі. Гульня адбылася ў Кішынэве 11 верасьня і скончылася зь лікам 0:0.
У першай гульні турніру беларусы перамаглі Сан-Марына 5:0.
