Міністэрства абароны апублікавала прахадныя балы і лічбы конкурсу пры паступленьні ў Вайсковую акадэмію сёлета. Свабода склала топ і антытоп вайсковых спэцыяльнасьцяў — па балах і па конкурсе.
Топ-3 папулярных спэцыяльнасьцяў:
- Тылавое забесьпячэньне войскаў у інтарэсах дзяржаўнага памежнага камітэту (ДПК) — 3,33 чалавекі на месца.
- Практычная псыхалёгія ў вайсковай справе ў інтарэсах ДПК — 2.
- Тылавое забесьпячэньне войскаў — 1,5.
Па аднаму чалавеку на месца было на спэцыяльнасьцях:
- Эксплюатацыя аўтаматызаваных сыстэмаў апрацоўкі інфармацыі ў інтарэсах ДПК;
- Тэлекамунікацыйныя сыстэмы (радыёэлектронная разьведка), эксплюатацыя сродкаў аналізу і апрацоўкі радыёсігналаў у інтарэсах ДПК;
- Упраўленьне паветраным рухам, баявое кіраваньне авіяцыяй;
- Тэхнічная эксплюатацыя электрасыстэм і пілятажна-навігацыйных комплексаў лятальных апаратаў, авіяцыйныя радыёэлектронныя сыстэмы ў інтарэсах Міністэрства па надзвычайных сытуацыях.
Найвышэйшыя праходныя былы былі на спэцыяльнасьцях:
- Тэлекамунікацыйныя сыстэмы (радыёэлектронная разьведка), эксплюатацыя сродкаў аналізу і апрацоўкі радыёсыгналаў у інтарэсах ДПК — 195 балаў;
- Тылавое забесьпячэньне войскаў — 190;
- Практычная псыхалёгія ў вайсковай справе ў інтарэсах ДПК — 177.
Найменшыя праходныя балы былі на спэцыяльнасьцях:
- Кіраваньне падразьдзяленьнямі ракетных войскаў і артылерыі — 100 балаў;
- Кіраваньне танкавымі падразьдзяленьнямі −101;
- Эксплюатацыя радыётэхнічных сыстэм — 102.
Максымальна беларускі абітурыент можа набраць 400 балаў, у іх уваходзіць:
- сярэдні бал атэстата памножаны на 10;
- 3 вынікі цэнтралізаванага тэставаньня, дзе максымальна можна набраць 100 балаў.
