Падзеі 5 лютага ў беларускай і сусьветнай гісторыі, а таксама афіша на сёньня.
Афіша
У Гомелі гарадзкая арганізацыя Таварыства беларускай мовы імя Францішка Скарыны (ТБМ) адкрые Цэнтар беларускай мовы. Пры цэнтры мае працаваць «гарачая лінія» ў пытаньнях абароны правоў беларускамоўных.
«Гарачая лінія» беларускай мовы адкрываецца ў Гомелі
Гомель, філія ТБМ (вул. Кірава, 3, пакой 1-8).
Пачатак а 12-й гадзіне.
Уваход вольны
Дзень у гісторыі
1852 — у Санкт-Пецярбургу для шырокай публікі быў адчынены Эрмітаж.
1917 — у выніку мэксыканскай рэвалюцыі была прынятая Канстытуцыя Злучаных Штатаў Мэксыкі.
1958 — Гамаль Абдул Насер вылучыўся на пасаду прэзыдэнта Аб’яднанай Арабскай Рэспублікі (аб’яднаная дзяржава Сырыі і Эгіпту, праіснавала зь лютага 1958 па верасень 1961 году).
1979 — Аятала Рухала Мусаві Хамэйні абвясьціў Іран ісламскай дзяржавай.
2001 — на станцыі мэтро «Беларуская кальцавая» ў Маскве спрацавала выбуховае прыстасаваньне.
У гэты дзень нарадзіліся
1923 — Леанід Шчамялёў, беларускі жывапісец, народны мастак Беларусі.
1930 — Расьціслаў Янкоўскі, беларускі актор.
У памяці
1637 — памёр Язэп Руцкі, беларускі пісьменьнік, уніяцкі царкоўны дзяяч.
1939 — у ГУЛАГу загінуў гісторык Павал Горын, прэзыдэнт Акадэміі навук у 1931–1936 гг.
1999 — памёр Васіль Лявонцьеў, амэрыканскі эканаміст расейскага паходжаньня, ляўрэат Нобэлеўскай прэміі па эканоміцы.
2001 — у амэрыканскім горадзе Гленкоў памёр Масей Сяднёў, беларускі празаік і паэт.
