Афіша:
8 лістапада амэрыканцы абіраюць 45-га прэзыдэнта ЗША. Прэзыдэнт абіраецца не наўпроставым галасаваньнем, а праз структуру, вядомую як калегія электараў, дзе кожны штат мае прадстаўніцтва прыблізна ў адпаведнасьці са сваім насельніцтвам. Для перамогі кандыдату трэба набраць, як мінімум, 270 галасоў электараў, агульная колькасьць якіх — 538. Кандыдатка от кіраўнічай Дэмакратычнай партыі — Гілары Клінтан. Кандыдат ад Рэспубліканскай партыі — Доналд Трамп. Вынікі выбараў маюць быць вядомыя раніцай 9 лістапада паводле менскага часу.
Менск — «Барадулінскі сьпеўны сход». Кавярня «Грай», вул. Інтэрнацыянальная, 33. Пачатак а 19-ай.
Менск — Дыскусія «Як ажывіць Менск: Кастрычніцкая vs Зыбіцкая». Бізнэс-клюб «Imaguru» (Фабрыцыуса, 4). Пачатак а 19-ай.
У гісторыі:
1620 — у часе трыццацігадовай вайны адбылася бітва на Белай Гары, якая на некалькі стагодзьдзяў пазбавіла Чэхію незалежнасьці.
1895 — Вільгельм Рэнтген вынайшаў від радыяцыі, названы пазьней рэнтгенаўскімі або X-промнямі.
1923 — «Піўны путч» у Мюнхэне, спроба захопу ўлады нацыстамі ў Вэймарскай Нямеччыне.
1929 — адкрыцьцё Менскага заводу мэдычных прэпаратаў.
1939 — у Менску адкрылася Дзяржаўная карцінная галерэя.
1956 — адкрыцьцё музэя абароны Берасьцейскай крэпасьці.
У гэты дзень нарадзіліся:
1050 — Сьвятаполк Ізяслававіч, Князь полацкі, тураўскі, Вялікі князь кіеўскі.
1784 — Тэадор Нарбут, гісторык, археоляг, вайсковы інжынэр. Як гісторык Нарбут вядомы сваёй дзевяцітамовай «Гісторыяй літоўскага народу».
1785 — Міхал Баброўскі, беларускі славіст, прафэсар Віленскага ўнівэрсытэту, уніяцкі сьвятар.
1847 — ангельскі пісьменьнік Брэм Стокер, які праславіўся сваім раманам «Дракула».
1858 — Тадэвуш Урублеўскі, беларускі адвакат і грамадзкі дзеяч.
1883 — Вацлаў Ластоўскі, беларускі навуковец, выдавец, пісьменьнік, публіцыст і палітычны дзяяч, прэм’ер-міністар БНР.
1902 — кампазытар Нестар Сакалоўскі, аўтар музыкі гімну БССР, а цяпер Рэспублікі Беларусь. Яшчэ зь ягонага даробку — вядомая песьня пра Нёман.
1941 — Міхась Гурын, беларускі археоляг і гісторык.
У гэты дзень памерлі:
1953 — Іван Бунін, расейскі пісьменьнік і паэт.
1964 — Валянцін Волкаў, народны мастак Беларусі.
2010 — Міхась Савіцкі, беларускі мастак.
Цытата на памяць:
«Чалавека робяць шчасьлівым тры рэчы: каханьне, цікавая праца і магчымасьць падарожнічаць».
Іван Бунін
