Як кажа прымаўка, хто рана ўстае, таму Бог дае. Мэдычныя дасьледаваньні пацьвярджаюць гэтую народную мудрасьць. Пра гэта піша амэрыканскі часопіс «Health».
Дасьледаваньні паказваюць, што існуюць біялягічныя адрозьненьні паміж «жаўрукамі», якія прачынаюцца ў той жа час кожную раніцу і адчуваць сябе найбольш актыўнымі каля 9 гадзінаў раніцы, і «совамі», актыўнасьць якіх прыпадае на вечаровыя гадзіны.
Апытаньні сярод амэрыканскіх студэнтаў паказалі, што тыя, хто прачынаецца раней, адчуваюць сябе больш аптымістычнымі і актыўнымі, чым тыя, хто прачынаецца пазьней. Іншае дасьледаваньне магістрантаў унівэрсытэту выявіла, што больш высокія адзнакі маюць тыя, хто аддае перавагу працы раніцай, а ня ўвечары.
Рана прачынацца больш карысна для здароўя. Дасьледаваньні брытанскіх вучоных паказалі, што тыя, хто прачынаецца ў працоўныя дні а 9-й гадзіне і пазьней, маюць большую вагу і больш схільныя да дэпрэсій, чым тыя, хто прачынаецца а 7-й гадзіне. Падлеткі, якія позна прачынаюцца, радзей займаюцца спортам і больш схільныя да атлусьценьня.
Ёсьць некалькі простых парадаў, як лягчэй прачынацца з ранку:
Дастаткова спіце. Калі вы сьпіце 7-9 гадзінаў, прачынацца рана значна прасьцей. Як гэта зрабіць? Прыбярыце ноўтбук і іншую працу з ложку, каб спаць спакойна.
Будзьце пасьлядоўныя. Паспрабуйце ўсталяваць будзільнік на адну і тую ж гадзіну кожную раніцу, уключна з выходнымі днямі.
Ідзіце да мэты павольна. Хочаце прачынацца а 7-й раніцы, але атрымліваецца толькі а 8-й? Пачніце з устаноўкі будзільніка на 07:45, і рухаецеся назад з 15-хвіліннымі інтэрваламі, пакуль мэта не будзе дасягнутая.
Пастаўце на будзільнік спакойны і вясёлы сыгнал.
Прачынайцеся пры сьвятле. Дасьледаваньні паказваюць, што пры сьвятле лягчэй вылезьці з ложку. Простае рашэньне — трымаць фіранкі і жалюзі адкрытымі на працягу ночы.
Ешце сьняданак. Дрымотнасьць не зьнікае толькі ад кубка кавы. Яйкі, вяндліна, ёгурт зараджаюць вас энэргіяй і праганяюць дрымотнасьць.
Займайцеся раніцай спартовымі практыкаваньнямі. Гэта дасьць вам энэргіі на ўвесь дзень.
Дасьледаваньні паказваюць, што існуюць біялягічныя адрозьненьні паміж «жаўрукамі», якія прачынаюцца ў той жа час кожную раніцу і адчуваць сябе найбольш актыўнымі каля 9 гадзінаў раніцы, і «совамі», актыўнасьць якіх прыпадае на вечаровыя гадзіны.
Апытаньні сярод амэрыканскіх студэнтаў паказалі, што тыя, хто прачынаецца раней, адчуваюць сябе больш аптымістычнымі і актыўнымі, чым тыя, хто прачынаецца пазьней. Іншае дасьледаваньне магістрантаў унівэрсытэту выявіла, што больш высокія адзнакі маюць тыя, хто аддае перавагу працы раніцай, а ня ўвечары.
Рана прачынацца больш карысна для здароўя. Дасьледаваньні брытанскіх вучоных паказалі, што тыя, хто прачынаецца ў працоўныя дні а 9-й гадзіне і пазьней, маюць большую вагу і больш схільныя да дэпрэсій, чым тыя, хто прачынаецца а 7-й гадзіне. Падлеткі, якія позна прачынаюцца, радзей займаюцца спортам і больш схільныя да атлусьценьня.
Ёсьць некалькі простых парадаў, як лягчэй прачынацца з ранку:
Дастаткова спіце. Калі вы сьпіце 7-9 гадзінаў, прачынацца рана значна прасьцей. Як гэта зрабіць? Прыбярыце ноўтбук і іншую працу з ложку, каб спаць спакойна.
Будзьце пасьлядоўныя. Паспрабуйце ўсталяваць будзільнік на адну і тую ж гадзіну кожную раніцу, уключна з выходнымі днямі.
Ідзіце да мэты павольна. Хочаце прачынацца а 7-й раніцы, але атрымліваецца толькі а 8-й? Пачніце з устаноўкі будзільніка на 07:45, і рухаецеся назад з 15-хвіліннымі інтэрваламі, пакуль мэта не будзе дасягнутая.
Пастаўце на будзільнік спакойны і вясёлы сыгнал.
Прачынайцеся пры сьвятле. Дасьледаваньні паказваюць, што пры сьвятле лягчэй вылезьці з ложку. Простае рашэньне — трымаць фіранкі і жалюзі адкрытымі на працягу ночы.
Ешце сьняданак. Дрымотнасьць не зьнікае толькі ад кубка кавы. Яйкі, вяндліна, ёгурт зараджаюць вас энэргіяй і праганяюць дрымотнасьць.
Займайцеся раніцай спартовымі практыкаваньнямі. Гэта дасьць вам энэргіі на ўвесь дзень.
