«Хачу падкрэсьліць, што ўвядзеньне гэтага пагадненьня залежыць выключна ад волі беларускага боку, — піша спадарыня Фігель. — Польшча не аднойчы зьвяртала ўвагу ўладаў Беларусі на неабходнасьць тэрміновага завяршэньня працы па ўвядзеньню пагадненьня. На жаль, увядзеньне гэтага пагадненьня ў аднабаковым парадку ў любым аб’ёме практычна немагчыма».
Ліст з МЗС Польшчы накіраваны на імя Анатоля Лябедзькі ў адказ на яго зварот ад імя партыі да прэм’ера Польшчы з прапановай узнавіць дыскусіі па спрошчаным перасячэньні мяжы грамадзянамі, якія жывуць у памежнай зоне. Гэтая праблема закранае больш за мільён жыхароў Берасьцейскай і Гарадзенскіх абласьцей.
Міжнародны аглядальнік Раман Якаўлеўскі з гэтай нагоды згадвае:
«15 студзеня падчас прэсавай канфэрэнцыі Аляксандру Лукашэнку задалі пытаньне: калі ўступіць у сілу польска-беларуская дамова аб малым памежным руху? І вось яго даслоўны адказ: „У той жа час, як зь Літвою. Гэта не ад нас залежыць. У нас шмат пытаньняў да польскага боку, перш за ўсё палітычныя, ёсьць шэраг нявырашаных пытаньняў. Яны нас насьцярожваюць. Тэхнічныя пытаньні тут не галоўныя. Трэба ўсё вырашаць у комплексе“.
На мой погляд, у гэтым адказе ўсё сказана. Афіцыйны Менск чакае, што Польшча зьменіць сваё стаўленьне да парушэньняў дэмакратыі і правоў чалавека ў Беларусі. І можна сказаць, шантажуе Варшаву.
Хачу зьвярнуць увагу, што адпаведная дамова ўжо адносна даўно падпісаная кіраўнікамі абедзьвюх краін. Але, каб яна пачала дзейнічаць, Беларусі і Польшчы патрэбна, паводле дыпляматычных нормаў, абмяняцца адпаведнымі нотамі. Наколькі я ведаю, палякі неаднаразова прапаноўвалі гэта зрабіць. А беларусы пад рознымі дайпрычынамі не сьпяшаюцца.
Такія паводзіны беларускага боку могуць сьведчыць аб непрадказальнасьці яго паводзінаў і надалей».
Ліст з МЗС Польшчы накіраваны на імя Анатоля Лябедзькі ў адказ на яго зварот ад імя партыі да прэм’ера Польшчы з прапановай узнавіць дыскусіі па спрошчаным перасячэньні мяжы грамадзянамі, якія жывуць у памежнай зоне. Гэтая праблема закранае больш за мільён жыхароў Берасьцейскай і Гарадзенскіх абласьцей.
Міжнародны аглядальнік Раман Якаўлеўскі з гэтай нагоды згадвае:
«15 студзеня падчас прэсавай канфэрэнцыі Аляксандру Лукашэнку задалі пытаньне: калі ўступіць у сілу польска-беларуская дамова аб малым памежным руху? І вось яго даслоўны адказ: „У той жа час, як зь Літвою. Гэта не ад нас залежыць. У нас шмат пытаньняў да польскага боку, перш за ўсё палітычныя, ёсьць шэраг нявырашаных пытаньняў. Яны нас насьцярожваюць. Тэхнічныя пытаньні тут не галоўныя. Трэба ўсё вырашаць у комплексе“.
На мой погляд, у гэтым адказе ўсё сказана. Афіцыйны Менск чакае, што Польшча зьменіць сваё стаўленьне да парушэньняў дэмакратыі і правоў чалавека ў Беларусі. І можна сказаць, шантажуе Варшаву.
Хачу зьвярнуць увагу, што адпаведная дамова ўжо адносна даўно падпісаная кіраўнікамі абедзьвюх краін. Але, каб яна пачала дзейнічаць, Беларусі і Польшчы патрэбна, паводле дыпляматычных нормаў, абмяняцца адпаведнымі нотамі. Наколькі я ведаю, палякі неаднаразова прапаноўвалі гэта зрабіць. А беларусы пад рознымі дайпрычынамі не сьпяшаюцца.
Такія паводзіны беларускага боку могуць сьведчыць аб непрадказальнасьці яго паводзінаў і надалей».
