Актывіст «Эўрапейскай Беларусі» Віктар Калесьнік вёз зь Менску ў Полацак улёткі пра Народны сход і газэты «Народная воля». Па дарозе ягоную машыну спынілі міліцыянты, якія загадалі ехаць у Лепельскі райаддзел міліцыі. Там і забралі ўсе друкаваныя матэрыялы.
Віктар Калесьнік распавёў, што ніякіх дакумэнтаў пра забраныя ўлёткі і некалькі соцень газэт у міліцыі яму не далі:
«Усё, што было ў машыне, проста паклалі ў вялікія кардонныя скрыні ды некуды вынесьлі. Па сутнасьці, у Лепельскім РАУС мяне абрабавалі: забралі мае рэчы гвалтам, не складаючы пратаколу. Ніякіх абвінавачаньняў уласна мне не прад’явілі і нават прычынаў затрыманьня не паведамілі».
Актывіст правёў у пастарунку некалькі гадзін, пасьля міліцыянты паведамілі, што ён вольны.
Спадар Калесьнік кажа, што мае намер вярнуць забранае, нягледзячы на тое, што ў яго няма ніякіх дакумэнтаў пра адабраную маёмасьць:
«10 тысяч улётак пра Народны сход і яшчэ 5 тысяч улётак „Эўрапейскай Беларусі“ я не зьбіраюся нікому пакідаць „у падарунак“. Таму бліжэйшымі днямі паеду ў Лепель, каб напісаць заяву ў пракуратуру пра незаконныя дзеяньні міліцыянтаў».
Віктар Калесьнік распавёў, што ніякіх дакумэнтаў пра забраныя ўлёткі і некалькі соцень газэт у міліцыі яму не далі:
«Усё, што было ў машыне, проста паклалі ў вялікія кардонныя скрыні ды некуды вынесьлі. Па сутнасьці, у Лепельскім РАУС мяне абрабавалі: забралі мае рэчы гвалтам, не складаючы пратаколу. Ніякіх абвінавачаньняў уласна мне не прад’явілі і нават прычынаў затрыманьня не паведамілі».
Актывіст правёў у пастарунку некалькі гадзін, пасьля міліцыянты паведамілі, што ён вольны.
Спадар Калесьнік кажа, што мае намер вярнуць забранае, нягледзячы на тое, што ў яго няма ніякіх дакумэнтаў пра адабраную маёмасьць:
«10 тысяч улётак пра Народны сход і яшчэ 5 тысяч улётак „Эўрапейскай Беларусі“ я не зьбіраюся нікому пакідаць „у падарунак“. Таму бліжэйшымі днямі паеду ў Лепель, каб напісаць заяву ў пракуратуру пра незаконныя дзеяньні міліцыянтаў».
