Міністар замежных спраў Літвы Вігаўдас Ушацкас зноў выказаўся за як мага хутчэйшае ўвядзеньне льготаў у выдачы візаў для грамадзянаў Беларусі і Ўкраіны.
Юсьцінас КаросасСтаршыня парлямэнцкай групы «За дэмакратычную Беларусь», віцэ-старшыня камітэту замежных спраў Сойму Літвы Юсьцінас Каросас сказаў сёньня Радыё Свабода, што далейшыя крокі у супрацоўніцтве краін-суседзяў паспрыяць вырашэньню праблемы зь візавым рэжымам:
«Пытаньне візавага рэжыму зь Беларусьсю – праблема, зьвязаная з прыналежнасьцю Літвы да Шэнгенскай зоны, і ўсе зьмены павінны быць ухваленыя практычна ўсімі краінамі Шэнгену і Эўракамісіяй, таму, сапраўды, праблема існуе. Мы ўжо дамовіліся аб першым этапе – ільготах для памежных жыхароў. Гэта будзе першы крок, калі з дазволам на некалькі гадоў людзі змогуць перасякаць мяжу. Другі момант – будзе зьменшаны кошт на візы. Дамоўленасьць ёсьць і зь Беларусьсю, а мы выступалі зусім за бязьвізавы рэжым, але ў часе візыту Лукашэнкі, калі чакалася падпісаньне дамоўленасьці аб візах, з-за не зусім зразумелых прычын дамова не была падпісаная. Але мы спадзяемся, што да канца году гэтае пагадненьне паміж дзьвюма краінамі будзе падпісанае. Было б добра, каб людзі маглі зусім бязь візаў езьдзіць, але, на жаль, на дадзеным этапе, пакуль гэта цяжка уявіць рэальна».
Аўдронюс АжубалісКіраўнік камітэту замежных спраў Сойму Літвы Аудронюс Ажубаліс лічыць, што прагрэс у накірунку трохбаковага супрацоўніцтва Літвы, Беларусі і Украіны ў праграме “Ўсходняга партнэрства” Эўразьвязу можа паспрыяць хутчэйшаму вырашэньню праблемы спрашчэньня візавага рэжыму паміж Літвой і Беларусьсю. Парлямэнтар заявіў, што скептычна глядзіць на вырашэньне візавага пытаньня толькі для памежных жыхароў — палёгку атрымаць павінны усе.
Парлямэнтар сказаў Радыё Свабода:
«Адносна аблягчэньня візавага рэжыму ўдзельнікам запісана ў самым тэксьце Праграмы “Ўсходняга партнэрства”. З-за беларускага боку не было падпісанае пагадненьне аб аблягчэньні візавага рэжыму для памежных жыхароў, але я скептычна гляджу на гэтую дамову. Таму што значэньне павінна быць нададзенае для візавых палёгак усім жыхарам абедзьвюх краін. А тут адзін ці два кілямэтры у які-небудзь бок ад мяжы — гэта не вырашае усёй праблемы, так што я гляджу на гэта вельмі асьцярожна».
«Пытаньне візавага рэжыму зь Беларусьсю – праблема, зьвязаная з прыналежнасьцю Літвы да Шэнгенскай зоны, і ўсе зьмены павінны быць ухваленыя практычна ўсімі краінамі Шэнгену і Эўракамісіяй, таму, сапраўды, праблема існуе. Мы ўжо дамовіліся аб першым этапе – ільготах для памежных жыхароў. Гэта будзе першы крок, калі з дазволам на некалькі гадоў людзі змогуць перасякаць мяжу. Другі момант – будзе зьменшаны кошт на візы. Дамоўленасьць ёсьць і зь Беларусьсю, а мы выступалі зусім за бязьвізавы рэжым, але ў часе візыту Лукашэнкі, калі чакалася падпісаньне дамоўленасьці аб візах, з-за не зусім зразумелых прычын дамова не была падпісаная. Але мы спадзяемся, што да канца году гэтае пагадненьне паміж дзьвюма краінамі будзе падпісанае. Было б добра, каб людзі маглі зусім бязь візаў езьдзіць, але, на жаль, на дадзеным этапе, пакуль гэта цяжка уявіць рэальна».
Парлямэнтар сказаў Радыё Свабода:
«Адносна аблягчэньня візавага рэжыму ўдзельнікам запісана ў самым тэксьце Праграмы “Ўсходняга партнэрства”. З-за беларускага боку не было падпісанае пагадненьне аб аблягчэньні візавага рэжыму для памежных жыхароў, але я скептычна гляджу на гэтую дамову. Таму што значэньне павінна быць нададзенае для візавых палёгак усім жыхарам абедзьвюх краін. А тут адзін ці два кілямэтры у які-небудзь бок ад мяжы — гэта не вырашае усёй праблемы, так што я гляджу на гэта вельмі асьцярожна».
