Як адзначаецца ў заяве МЗС Азэрбайджану, якую цытуе праект «Эхо Кавказа», расейскаму дыплямату «выказалі рэзкі пратэст у сувязі з падзеньнем адной з ракет тыпу Іскандэр на тэрыторыю пасольства Азэрбайджану ў выніку ракетна-бомбавага ўдару па сталіцы Ўкраіны».
Расейскаму дыплямату ўручылі адпаведную ноту.
Згодна зь інфармацыяй азэрбайджанскага боку, у выніку выбуху цалкам разбураная частка агароджа тэрыторыі амбасады, пашкоджаныя канструкцыі, службовы транспарт, адміністрацыйнае памяшканьне і консульскі аддзел. «На шчасьце, ніхто не пацярпеў у выніку гэтага ўдару», — адзначаецца ў заяве.
Гэта шосты падобны інцыдэнт, калі ў выніку расейскіх абстрэлаў цярпелі дыпляматычныя прадстаўніцтвы і кампаніі Азэрбайджану ва Ўкраіне — у Харкаве, Адэсе і Кіеве.
Цяперашні ўдар удзень па тэлефоне абмеркавалі прэзыдэнты краін Ільхам Аліеў і Ўладзімір Зяленскі.
У ноч на 14 лістапада адбылася адна з найбольш інтэнсіўных расейскіх атак на украінскую сталіцу. У выніку абстрэлаў загінулі шэсьць чалавек і яшчэ 36 чалавек атрымалі раненьні, у тым ліку двое дзяцей і цяжарная жанчына.
Форум