د شتمنو صنعتي هېوادونو، چې پکې امریکا او د اروپايي ټولنې غړي شامل دي، او نورو هېوادونو ترمینځ اختلافات ول. شتمنو هېوادونو د اب و هوا بدلون پر وړاندې د اقداماتو لپاره مخ پر ودې او بې وزلو هېوادونو ته د ۲۵۰ مېلیارده ډالرو ورکولو وړاندیز وکړ خو هغوی د یو ټرېلیین (۱،۰۰۰ اربه) ډالرو غوښتنه کوله.
د روسیې د کازان ښار اوسېدونکي د کاسپین سمندرګي په شمال کې د ۱،۰۰۰ کلومیټره په واټن ژوند کوي، خو بیا هم په سیندونو کې د اوبو کمېدا او زیاتېدا یې پر ژوند اغېز کړی دی.
د اسراییلي پوځ ویاند دانیال هګاري د اکتوبر په ۲۶مه په يوه ويډيويي بيان کې وویل، د ايراني رژيم لخوا له مياشتو راهيسې د اسراييلي رياست پرضد د پرله پسې بريدونو په ځواب کې همدا اوس د اسراييلو دفاع ځواکونه په ايران کې پر پوځي اهدافو دقيق بريدونه ترسره کوي.
راپورونه وايي، د اسراییلو په لږ تر لږه ۱۷ بریدونو کې شپږ ودانۍ بشپړې ويجاړې شوي دي. دا د پلازمینې بیروت په څنډو کې په تېره یوه میاشت کې د اسراییلو له تر ټولو سختو بریدونه څخه ګڼل کېږي.
د هرکل په نوم د ګولېن خطبو خپروونکې ووبپاڼې او ګڼو سرچینو چې پکې د ترکیې حکومت، سي اېن اېن ترک او په جرمني کې د ګولېن له غورځنګ سره تړلي سازمان – د مکالمې او تعلیم بنسټ – د اکتوبر پر ۲۱مه تایید کړه چې نوموړی یوه ورځ مخکې مړ شوی دی.
په غزه تړانګه کې د حماس مرستیال مشر خلیل الحیه، چې د دې ډلې مشر مرکچي هم دی، د اکتوبر پر ۱۸مه د اسراییلو راپورونه تایید کړل چې سنوار په غزه کې د يوې ټېلېويژني وینا پر مهال ووژل شو. سنوار په هغه وينا کې له اسراییلو یې وغوښتل چې خپله جګړه پای ته ورسوي او له غزې خپل ځواکونه وباسي.
نور وښیئ
