په پاکستان کې دا ځل درې جلا، جلا اخترونه ولمانځل شول. په هغه هېواد کې هرکال د روژې، کوچني اختر او لوی اختر مياشت ليدل یوه لانجمنه موضوع وي چې په نتیجه يې اکثر پر یوه ورځ روژه نه نیول کېږي او اختر هم د ټول هېواد پر کچ پر یوه ورځ نه وي. دا چې سپوږمۍ يوه ده او د پاکستان او ګاونډیو هېوادونو ترمینځ یې جغرافیايي فاصله هم بیخي کمه ده نو بیا ولې په مختلفو سيمو کې پر مختلفو ورځو مياشت لېدل کېږي؟ د دې او نورو پوښتنو ځواب د غږ په ځای اورېدای شئ.
د مشال تر رڼا لاندې
چار شنبه ۴ مې ۲۰۲۲
په کراچۍ پوهنتون کې په چاودنه کې د درې چینايي وګړو په ګډون څلور کسان وژل شوي دي. بلوڅ بېلتونپالې وسله والې ډلې بلوچ لېبرېشن ارمي په بیان کې ادعا کړې چې د اپرېل ۲۶مې نېټې حمله يوې ځانمرګې بريدګرې وکړ. هغې ناقانونه ډلې د مبینه بریدکوونکې تصوير خپور کړی او نوم يې شاري بلوڅه عرف برمش ياد کړی دی. په بلوچستان کې په وروستيو کې پر امنيتي ځواکونو او چينايي وګړو بريدونه زیات شوي دي. پوښتنه دا ده چې د بلوڅ وسله والو ډلو د زیاتېدونکو بريدونو لاملونه څه دي او د دې د پاکستان او چين پر تعلقاتو، په تېره بیا د چين-پاکستان اقتصادي راهدارۍ پر پروژو، څه ډول اغېز شونی دی؟ دا او نورې پوښتنې په بحث کې له پوهانو سره څېړل شوې دي چې تاسې یې د غږ په ځای کې اورېدای شئ.
