نیاز احمد خان په سوات کې د مشال راډیو خبریال دی. هغه د ملاکنډ ډېوېژن د نهو ضلعو سوات، بر او کوز دیر، بر او کوز چترال، ملاکنډ، بونېر، باجوړ او شانګلې په اړه راپورونه جوړوي.
د سوات د کرنیزې پرمختیا ادارې مشر وايي، په لومړي ځل یې هلته د کروندګرو لپاره د زعفرانو د کښت بریالۍ تجربه کړې ده. ډاکتر افتخار احمد وايي، د زعفرانو حاصل کروندګرو ته لویه مالي ګټه رسولای شي. نور په لنډ ویډیويي راپور کې.
د سوات په بريکوټ بازيره کې د پاکستان او ايټاليې د حکومتونو له خوا د لرغونو اثارو د لټون نوی کار پيل شوی دی. کارکوونکي وايي چې په دغه ځای کې د زرګونو کلونو پخواني اثار ښکاره شوي او دلته به د پوهنتون زده کوونکي هم دوی پر کار ګوماري. ويډيويي راپور .
د خيبر پښتونخواد سوات کوهستان قامي جرګې د سيمې پر قدرتي وسيلو د خپل اييني حق غوښتنه کړې ده. د اکتوبر پر پینځمه د شوې جرګې ويناوالو پنجاب صوبې ته په اشاره وويل چې له سيمې برېښنا او معدنيات وړي او استعمالوي، خو د ایین تر مخې دوی پر خپلو دغو شتمنیو ورکړل شوی حق نه ورکوي.
د سېپټېمبر ۲۷مه هرکال د سېلګرۍ د نړيوالې ورځې په توګه لمانځل کېږي. په دې مناسبت د سوات په فضاګټ کي د هوټلونو د کارکوونکو لخوا يوه دستوره جوړه شوې وه. پر دې موقع دوی وويل چې د هوټل مالکان د حکومت لخوا د دوی لپاره ټاکل شوي مراعات او نور سهولتونه نه ورکوي
د سوات خلک وايي امن غواړي خو په هغه بیه نه چې بیا به کډې کوي او یا هم د وسلوالو خلاف ولسي لښکرې جوړوي. دوی وايي، د پوځ د عملیاتو پلوي هم نه دي، حکومت دې د پولیسو په مرسته امنیت ټینګ کړي.
نن د پاکستان او هند ترمينځ په دوبۍ کې د اسیا جام سياليو د دوم پړاو لوبه کېږي. د لومړي پړاو يه يوه لوبه کې هند پاکستان ته ماتې ورکړې وه او هندي لوبغاړو پاکستانیو لوبغاړو ته له لاس ورکولو ډډه کړې وه. دا چې د ننۍ لوبې په اړه د کرکټ مينه وال څه وايي؟
دا مظاهره وروسته له هغې ترسره کېږي چې د سېپټېمبر پر نهمه په سوات کې د عوامي نیشنل ګوند یو مشر جعفر خان په وسلوال برید کې ووژل شو.
د سوات انتظامیې د سېپټېمبر له نهمې نېټې راهیسې د سوات سیند پر غاړه د ابادو هوټلونو، رسټورانټونو او نورو ودانیو نسکورول پیل کړي دي. د انتظامیې دریځ دا دی چې دا ابادۍ د تجاوزاتو په بڼه شوي دي.
دا مظاهره د سېپټېمبر پر ۱۲مه د سوات د کبل تحصیل په چوک کې وشوه چې ورته د سیمې مشرانو او سیاسي شخصیتونو وینا وې وکړې. په مظاهره کې سلګونو کسانو ګډون وکړو.
د جعفر خان په وژنه د عوامي نیشنل ګوند مشرانو او په سوات کې د قامي جرګې مشرانو خواشیني ښکاره کړې ده.
اتیا کلن حضرت خلیل د سوات د مینګورې د لنډي کس مالت اوسېدونکی وايي د اګست د ۱۵مې سېلاب ورته کور ویجاړ کړ چې هغه یې د بیا جوړولو وس نه لري نو حکومت دې ورته څه چاره وکړي.
د سوات په مینګوره ښار کې د اګست پر ۱۵مه تر لوی سېلاب وروسته لا هم د کورونو، دوکانونو او لارو د پاکولو چارې دوام لري چې پکې د ښار اوسېدونکي او د خیریه بنسټونو غړي هم برخه اخلي. د خیبر پښتونخوا په مختلفو برخو کې د بارانونو پر مهال په پېښو او سېلابونو کې تر ۳۵۰ زیات کسان ووژل شول. ویډيويي رپورټ وګورئ.
د پاکستان وزیراعظم شهباز شریف د سوات، بونېر او د خیبر پښتونخوا د نورو سېلاب ځپلو سیمو ته تللی او هلته یې ویلي دي چې حکومت یې له اغېزمنو خلکو سره مرستو ته ژمن دی.
د سوات د مینګورې اوسېدونکی ډاکتر عدنان خان وايي، سېلاب یې په دوو ساعتونو کې د کور ټول سامان یووړ. دی وايي، سېلاب د ټولې کوڅې د اوسېدونکو کورونه اغېزمن کړي دي. د خان په خبره، حکومت ورسره لا هېڅ مرسته نه ده کړې. لنډ ویډیويي رپورټ وګورئ.
ګنډه پور له خبریالانو سره په خبرو کې ویلي چې له ځپل شویو سره مالي مرسته کوي او د چا چې کورونه ړنګ شوي دي نو حکومت به ورته کورونه جوړوي.
د خیبر پښتونخوا په بونېر او سوات کې په تېرو ۲۴ ساعتونو کې د بارانونو پر مهال بېلابېلو پېښو او سېلابونو کې لسګونه کسان وژل شوي او ژوبل دي. سېلابونو په مختلفو سیمو کې د خلکو کاروبارونو ته لوی زیان اړولی دی. تفصیل په ویډیويي رپورټ کې.
د سوات قامي جرګې د "ترهګرۍ مخنیوي" په نوم په سیمه کې هر ډول پوځي عملیات رد کړي دي. د جرګې کارنده کمېټۍ د اګست پر اوومه په غونډه کې د سیمې پر امنیت بحث وکړ.
ډي اېس پي شوکت علي د جولای پر ۲۸مه ناوخته د سوات خبریالانو ته وویل، د چالیار په مخزن العلوم مدرسه کې د وژل شوي ماشوم فرحان ایاز د وژنې په تور یې وار له مخې هم ګرفتارۍ کړې وې خو دوه مرکزي کسان قاري عمر او احسان الله چې پلار او زوی دي، مفرور وو اوس دوی نیولي دي.
نور وښیئ
