نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د خوست ولایت د صبریو او یعقوبیو ولسوالۍ اړوند د زمبر په غرییزو سیمو کې یو شمېر رضاکارو ځوانانو د خلکو د ساتېري لپاره دمه ځایونه جوړ کړي دي. د صبریو سیمې ځوانان وايي خلک هڅوي چې د تفریح او دمې لپاره د یادې سیمې شنو او ځنګلیزو سیمو ته ورشي.
پکتیا کې د کور د سامانونو یا فرنیچر سوداګر وايي چې کاروبار یې د ښه کېدو په حال کې دی خو د کارخونو لپاره د مناسب ځای د نه شتوالي او برېښنا کمښت ستونزې لري.
په پکتیا کې که له يوې خوا خلک واورو ته خوشاله دي نو بلخوا بیا داسې کورنۍ او خلک هم شته چې د بې کارۍ او بې وزلۍ له لاسه په کورونو کې د سونګ (سون) توکي او د خوړو او اغوستلو وسایل نه لري. هغوی له نړیوالو بنسټونو او اړوندو ادارو غوښتنه کوي چې له دا ډول کورنیو سره دې په ټولو برخو کې مرستې وشي.
په خوست کې هغو ډاکترانو ازموینه ورکړې ده چې په وروستیو کې یې د تخصص لوړې زده کړې بشپړې کړې وې. په خوست کې ډاکتران وايي، هلته په تېرو دوو لسیزو کې ګڼو روغتیاپالانو په بېلابېلو طبي څانګو کې د تخصص روزنه ترلاسه کړې چې ورسره په ولایت کې د درملنې معیار ښه شوی دی. ویډیويي رپورټ.
په خوست ښار او اړوندو سیمو کې د ملګرو ملتونو په مالي ملاتړ د بېخبنا (انفراسټرکچر) رغولو پر پروژو کار روان دی. په پروژو کې د کوڅو، سړکونو او ویالو پخول شامل دي چې پکې ۸،۶۰۰ کسانو ته د لنډمهاله کار موقع برابره شوې ده. په دې اړه تفصیل په ویډیويي رپورټ کې.
د خوست ولایت د یوشمېر نورو سیمو په شان د قلندر د غرییزې ولسوالۍ اوسېدونکي هم د ژوند له بنسټیزو اسانتیاوو بې برخې دي. دوی د څښاک پاکې اوبه، د ښوونځيو ودانۍ، د عمومي او فرعي سړکونو رغونه او د روغتیايي مرکزونو اکمال او تجهیزول د خپلو مهمو اړتیاوو په توګه یادوي. ویډیویي راپور.
د خوست ولایت له مرکز سره نېږدې په یوه سیمه کې یو ډله ییز قبر موندل شوی دی. د خوست په ښاروالۍ کې د طالبانو د حکومت چارواکي وايي چې له لومړنیو پلټنو ښکاري چې هغه ۱۰۰ تنه څه باندې څلور لسیزې مخکې وژل شوي او بیا یوځای ښخ شوي ول. ویډيويي رپورټ.
په خوست کې د ښځو لپاره د ملګرو ملتونو په مالي مرسته د حرفوي زده کړو مرکز جوړ شوی دی چې پکې سلګونه ځوانان بېلابېل کسبونه زده کوي. په خوست کې دا مهال ۶۰۰ ځوانان د برېښنایي الاتو د جوړونې ترڅنګ نجاري او نور کسبونه هم زده کوي. ویډیویي راپور.
په خوست کې یو شمېر خصوصي بنسټونه هغو سیمو ته ګرځنده روغتیايي ټیمونه او درمل لیږي چې خلک يې په خپلو نږدې سیمو کې روغتیايي اسانتیاوې نه لري.
په خوست کې د کمپیوټر او انګلیسي ژبې له ۱۰ میاشتني پروګرامه د لسګونو ځوانانو د فارغېدو په ویاړ غونډه شوې ده. فارغانو له نورو ځوانانو او لویانو وغوښتل، چې په اوسني عصر کې په ژوند کې د اړتیاوو پوره کولو او په دې برخه کې د اسانتیاوو لپاره د انګلیسي ژبې او کمپیوټر زده کړې اړینې دي. ویډیویي راپور.
له دوی څخه ځینو د فبرورۍ پر پنځمه مشال راډیو ته وویل، د ملګرو ملتونو د کډوالو اداره او د خوړو نړیوال پروګرام دې د نورو کلونو په څېر له دوی سره نغدې مرستې وکړي.
د خوست د صبریو ځوانانو د یادې سیمې د څپرې غره د پاسه د ډنډکي خوړو مېله جوړه کړې وه. ډنډکی د خوست د خلکو پخوانی او مشهور خوراک دی چې اوس يې له خوسته بهر هم ډېر مینه وال پیدا کړي او خوستوال يې خپلو مېلمن
د خوست د غرییزې سیمې خرڅینو اوسېدونکي وايي چې د ژوند له لومړنیو اسانتیاوو بې برخې دي او د روزګار موقع هم نه لري. دوی وايي، د بېکارۍ له لاسه د تعمیراتي چارو لپاره له غرونو او غونډیو څخه د تیږو ایستلو ته اړ دي. ویډیويي رپورټ.
د خوست په صبریو او یعقوبیو کې د قومي مخورو او فعالانو په مینځګړتوب یوه دښمني، چې پکې شپږ تنه وژل شوي ول، په دوستۍ بدله شوې ده. دواړو خواوو تر روغې جوړې وروسته له نورو خلکو هم وغوښتل چې د خپل راتلونکي نسل هوساینې لپاره دې بدۍ او دښمنۍ پرېږدي. ویډیويي راپور وګورئ.
د پکتیا ولایت څمکنیو ولسوالۍ اوسېدونکي وايي، سیمه یې ګڼ مېشته او د ولایت په کچه مهم کاروباري مرکز دی خو وګړي یې د ژوند لازمي اسانتیاوې نه لري. دوی وايي، لارې يې خرابې دي او تر اوسه دې سیمې ته برېښنا نه ده غځېدلې. ویډیویي راپور.
د خوست ولایت د صبریو او یعقوبیو اړوند د خلبیسات بازار په سیمه کې ځايي شاعرانو او فرهنګیانو مشاعره وکړه چې پکې د خواوشا سیمې شاعرانو او د ادب مینه والو برخه واخیسته
په خوست کې یوشمېر هغه ځوان ډاکټران چې له طبي زدکړو نوي فارغ شوي دي وايي، دوی د زدکړو لومړی پړاو پای ته ورساوه خو مسوولې ادارې دې اوس ورته د ستاژ دورې او په روغتونونو کې د عملي کار او نظري زدکړو لپاره زمینه برابره کړي.
په دې کورسونو کې زده کوونکو ته ریاضي، فزیک، کیمیا، پښتو، انګریزي او ځینې نور مضمونونه تدریسیږي.
د خوست د ګربزو ولسوالۍ اوسېدونکي د مزري (مېزري) بوټي له پاڼو څخه بېلابېل شیان جوړوي خو وايي، ګټه یې دومره کمه ده چې اکثر د کورنیو لګښتونو په پوره کولو کې له مشکل سره مخامخېږي. دوی د مزرین صنعت د پراختیا او ورته د بازار موندنې غوښتنه کوي. ویډیويي رپورټ.
د خوست په ترېزیو کې د مشرانو او ځوانانو جرګې د ولور کمولو پرېکړه کړې ده. په هغه ولایت کې تر دې مخکې هم جرګو دا ډول پرېکړې کړې دي خو په ترېزیو کې له اعلان سره سم عملي شوې هم ده. د ډېسېمبر ۲۶مې جرګې ویلي دي چې په هغه سیمه کې به هېڅوک تر ۲۵۰،۰۰۰ افغانیو زیات ولور نه اخلي. ویډیويي رپورټ.
نور وښیئ
