نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
په خوست کې له یوه کوره د ۵ اول نومره زده کوونکيو د بریا له رازه خبر شئ
په خوست کې ځینې شخصي بنسټونه هغو سیمو ته ګرځنده ډلې او درمل استوي چې خلک پکې روغتیايي خدماتو ته لاسرسی نه لري. په وروستیو کې ترېزیو ته هم یوه ډله تللې وه چې هلته یې د خلکو وړیا معاینې وکړې او ورته یې دواګانې ورکړې. د خوست اوسېدونکي د دې ډول خدماتو د زیاتېدو غوښتنه کوي. نور په ویډیويي رپورټ کې.
د پکتیا په مرکز ګردېز کې په وروستیو کې یو هنري نندارتون جوړ شوی وو چې لسګونه کسان یې لیدو ته ورغلي ول. هنرمندان وايي، که مالي ملاتړ یې وشي نو فعالیتونه زیاتولای شي. ویډیويي رپورټ.
د خوست په ډاب کې دوه میاشتې مخکې د کرکټ پیل شوې سیالۍ د سید رقیب سټار کرکټ کلب په بریا پای رسېدلې دي. په سیالیو کې د سیمې ۱۴ لوبډلو برخه واخیسته. خوست د لوبو په ډګر کې د افغانستان د مخکښو سیمو په قطار کې راځي او بېلابېلې سیالۍ پکې کېږي او د کرکټ مینوال پکې په بې سارې ډول په ډېرېدو دي.
وزیرستاني کډوال وايي، نور کلونه به د ژمي له راتګ وړاندې له دوی سره نغدې مرستې کېدې، خو سږ کال تر دې وخته چې ژمی پیل شوی، له دوی سره د مرستو هېڅ څرک نه لګېږي.
په خوست کې هم د هر ښوونیز کال په پای کې د دولسمو ټولګیو د فارغانو لپاره لمانځغونډې کېږي چې پکې ویناوال د تعلیم په برخه کې پر ستونزو او پرمختګونو غږېږي. د هغه ولایت د شخصي یا خصوصي ښوونځيو مسوولین او زده کوونکي له اړوندو ادارو غواړي چې د پوهنې برخې ته زیات پام وکړي. ویډیویي راپور.
د خوست په مرکز او ولسوالیو کې د پینځو هغو پلونو د بیارغونې چارې وروسته تر هغې پیل شوي دي چې د تېر کال بارانونو او سیلایونو زیانمن کړي دي
په خوست کې د صنعتي پارک د جوړولو چارې یو ځل بیا پیل شوی دی. هغه چارې له ډېرې مودې راهیسې د بېلابېلو ستونزو له کبله ځنډېدلې وې. دا په داسې حال کې ده چې په خوست کې زیاتره کارخانې په کورونو کې تولیدات کوي. ویډیویي راپور.
د پکتیا په مرکز ګردېز کې د میندو او ماشومانو د روغتیایي خدماتو لپاره د ناروې کمېټۍ په مالي مرسته جوړ مرکز کار پیل کړی دی. هغه مرکز د سیمې ښځو او ماشومانو ته ۲۴ ساعته وړیا خدمات ورکوي او په لازمو درملو سمبال دی. تفصیل په ویډیویي راپور کې.
د افغانستان په خوست ولایت کې د ډېسېمبر پر پينځمه د یو خیریه بنسټ په مالي مرسته د ۳۰ جوړو ډله ییز واده وشو. خوستي فرهنګیان دا یو ښه کار بولي او غوښتنه کوي چې د ودونو دا نوی کلتور دې لا پراخ شي.
د پکتیا ولایت په احمدخېلو کې ځایي ځوانانو د والیبال سیالۍ پیل کړې دي چې پکې د سیمې ۲۰ لوبډلې برخه اخلي. لوبغاړي وایي په سیمه کې د لوبو لپاره مناسب ځایونه نه شته خو بیا هم ګڼ ځوانان په سیالیو کې برخه اخلي. تفصیل په ویډیویي راپور کې.
د بیان له مخې په خیبر پښتونخوا کې تر پینځو کلونو پورې عمر لرونکي اووه نیم مېلیونه او په بلوچستان کې دوه نیم مېلیونه ماشومان واکسینوي. بیان زیاتوي، د هغو صوبو په ځینو حساسو سیمو کې واکسیني بهیر د نومبر پر ۲۴مه پیل شوی چې له عمومي کیمپېن سره به دوام ومومي.
د پکتیا پوهنتون د ښوونې او روزنې له پوهنځي څخه د غلام حضرت په نوم یو سپین ږیری فارغ شوی دی. حضرت ته د خپلې زوکړې نېټه معلومه نه ده خو څه باندې ۶۰ کاله عمر لري او ۴۴ کاله مخکې یې لېسه خلاصه کړې وه خو لوړې زده کړې ورڅخه نیمګړې پاتې شوې. تفصیل په ویډیويي رپورټ کې.
د خوست ولایت د صبریو او یعقوبیو ولسوالۍ اړوند د څپري غره په لمن کې مشاعره شوې ده. د نومبر ۱۷مې مشاعرې ته لسګونه شاعران او د ادب مینه وال ورغلي ول. د خوست ولایت په هغه سیمه کې پخوا ناامني وه خو اوس پکې ټولنیز او فرهنګي فعالیتونه پیل شوي دي. تفصیل په ویډیویي رپورټ کې.
د خوست شیخ زاید پوهنتون فارغان غوښتنه کوي، چې دوی ته دې په خپلو مسلکي برخو کې د کار کولو فرصتونه برابر شي. دوی د پوهنې، روغتیا، کرنې، اقتصاد او نورو برخو پرمختګ او د افغاني ټولنې ټیکاو په دې پورې تړلی بولي، چې په ځانګړې ډول د ځوانانو علمي او مسلکي کچه لوړه شي.
له پاکستانه د انګور اډې له لارې پکتیکا ته ستانه شوي کډوال د سرپناه او مرستو غوښتنه کوي. دوی وايي، د طالبانو حکومت ورته لنډمهالی کیمپ جوړ کړی دی خو ورته دې د دایمي استوګنځایونو بندوبست وکړي. ویډیويي رپورټ.
پکتیا د افغانستان له هغو ولایتونو دی، چې مڼې يې د خوند، رنګ او کیفیت له اړخه په داخل او له هېواده بهر مینه وال لري خو بڼوال وایي، سږ کال هلته د مڼو فصل د پخوا په شان نه دی شوی. دوی د ولایت له اړونده ادارو او نړیوالو بنسټونو څخه د مڼو باغونو ته د اوبو د دایمي سیسټم غوښتنه کوي. تفصیل په ویډیو کې
په خوست کې خلکو په روان پنځوس اووره کرکټ نړیوال جام کې پر سري لنکا د افغانستان بریا لمانځلې ده. خلک د شپې سړکونو ته راوتلي وو او اتڼنونه یې کول. نور حال یې د نجيب الله الوخېل په ويډيو راپور کې وګورئ
د خوست په تڼیو ولسوالۍ کې د "امن کلتوري ماښام" تر سرلیک لاندې مشاعره جوړه شوې پکې ګڼو شاعرانو او د ادب مینوالو ګډون کړی دی. د اکتوبر ۲۶مې د مشاعرې تابیا کوونکو وویل، هڅه کوي له دې لارې د سیمې کلتور د نورو ځایونو خلکو ته ور وپیژني. په مشاعره کې ځینو شاعرانو ولسي شعرونه هم زمزمه کړل. ویډیويي رپورټ.
په خوست کې د ۶۹ ښوونځیو د زده کوونکو ترمنیځ تر درسي سیالۍ وروسته ۷۰ غوره زده کوونکو ته ستاینلیکونه ورکړل شوي دي
نور وښیئ
