نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
زرمتوال د پاکو اوبو په ترلاسه کولو خوشاله دي
د جون په ۲یمه د خوست له نړیوال هوايي ډګر- دوبۍ ته او له دوبۍ - خوست ته د کام ایر هوايي خصوصي شرکت الوتنې پیل شوې. د یاد هوايي خصوصي شرکت مسوولینو وویل، چې د دوی مساپر وړونکي الوتکې به په اونۍ کې دوځلې خوست او دوبۍ ته پروازونه ولري.
د پکتیا ولایت په زرمت ولسوالۍ د کتابونو د یو نندارتون په جوړېدو د کتاب اونۍ ولمانځل شوه چې پکې يوشمېر خلکو ګډون وکړ. زرمت ولسوالي په وروستیو دوه لسیزو کې له سختو ناامنیو سره مخامخ وه او تر ډېره يې خلکو د ژوند د نورو برخو ترڅنګ زده کړو او کتاب لوستنې ته هم پوره لاسرسۍ نه لاره.
په پکتیا کې مالداران د خپلو څارویو محصولاتو لپاره د بازار موندلو غوښتنه کوي. دوی وايي، د شیدو، مستو، کوچ، پنېر او د نورو حیواني محصولاتو تولید زیات شوی دی خو د جوړولو او بسته کولو وسایل یې نه لري چې له وجې یې ښه ګټه نه شي کولای. ویډیویي رپورټ.
د پکتیا ګڼو اوسیدونکو او د ښاروالۍ او چاپیریال ساتنې د ادارو کارکوونکو د ګردېز ښار د پاکولو لپاره یو ورځنی اشر وکړ. د پکتیا اوسیدونکو له اړوندو ادارو وغوښتل، چې د ښار د پاک ساتلو تر څنګ په ګردېز کې ښاریانو او کاروباریانو لپاره کاري، تجارتي او استوګنیزې اسانتیاوې ډېرې کړي. ویډیویي رپورټ.
د خوست او کورمې قامي مشرانو د امن او په سیمه کې د ځینو ستونزو د هواري لپاره، ډیورند کرښې ته نږدې جرګه کړې ده. دوی وویل چې کله نا کله د دواړو هېوادونو د پوله ساتو تر مینځ جګړې پیښیږي، چې د کرښې یو بل لوري ته پراته قومونه هم زیانمنوي
د افغانستان په خوست ولايت کې د ټرانسپورټ او بار وړونکو ګاډو د اتحاديو مشران وايي، په وروستيو کې د افغانستان او پاکستان د چارواکو ترمينځ د يو بل هېواد ته د بار وړونکو موټرانو د ازادانه تګ راتګ له هوکړې وروسته يې پر غلام خان بندر د مالونو لېږد رالېږد پيل کړی دی.
د افغانستان په پکتيکا کې د لوست عادت عامولو لپاره د کتابونو د لوست اونۍ لمانځل شوې ده. په دې لمانځنه کې د ګډون لپاره شرنې ته ګڼ ځوانان ورغلي وو. هغلته سیاسي، ديني، ادبي او تعليمي کتابونه پراته وو چې ځوانانو ولوستل.
په خوست کې د افغانستان، پاکستان او ایران د یو شمېر ورزشکارانو په شتون کې د فري فایټ لوبې ترسره شوې. د خوست په ملي لوبغالي کې د یادو لوبو د نندارې لپاره ګڼ خلک راټول شوي وو.
د افغانستان د پکتیا ولایت مرکز ګردېز اړوند د کډوالو په ښارګوټي کې د یو روغتیايي مرکز د جوړولو کار پیل شوی دی. دغه روغتون د کډوالو لپاره د ملګرو ملتونو د عالي کمېشنرۍ په مالي ملاتړ جوړیږي چې د ځايي خلکو لپاره به د داخله، ماشومانو، زېږون، جراحۍ او واکسینو په برخو کې خدمتونه وړاندې کوي. ويډيو رپورټ
د افغانستان د پکتیا ولایت په زرمت ولسوالۍ کې له سېلابونو زیانمن خلک د بیړنیو مرستو او د زیانمن شویو بنسټونو د بیارغونې غوښتنه کوي. هغوی وايي، وروستیو بارانونو او سېلابونو يې کورونو، لارو او کرنیزو فصلونو ته زیانونه اړولي دي. ویډيويي راپور.
د پکتیا ولایت په مرکز ګردیز کې د شپږو ولایتونو د والیبال د ۴۴ لوبډلو تر مینځ سیالۍ ترسره شوي دي. د پروګرام منتظمین وايي، چې له دې لوبو يې موخه د ځوانانو یووالی، خلکو لپاره د ساعتیری زمینې برابرول او له نشو څخه د ځوانانو راګرځول دي.
د خوست د نادر شاه کوټ ولسوالۍ یوشمېر اوسېدونکي وايي چې هلته دې پر خوړ اساسي بند جوړ شي. دوی وايي چې تر بارانونو وروسته په خوړ کې سېلاب نه یوازې کورونه او کرنیزې ځمکې خرابوي بلکې اوبه یې هم ضایع کېږي. د طالبانو د حکومت چارواکي وايي، دا مسله له اړوندو ادارو او نړیوالو موسسو سره شریکوي. ویډيويي رپورټ.
په خوست کې د کاري فرصتونو د موندنو په خاطر ځوانانو لپاره د مهارتونو د لوړولو یو ورځنۍ سیمنار جوړ شوی وو. د سیمنار منتظمین وايي چې د دې برنامې موخې اقتصادي پرمختګ، د بې وزلۍ د کچې ټیټول، بهر ته د ځوانانو د تيښتې مخنیوی او د هغو لخوا د هېواد ځان بسیاینې لپاره د اقتصادي طرحو او نوښتونو وړاندې کول دي.
د پکتیا د مرکز ګردیز د مهلن (مهلند هم بلل کېږي) کروندګر وايي چې حاصلخېزې ځمکي لري خو د اوبو له کمښت له سره مخامخ دي. دوی وايي، ان د خلکو په کورونو کې په کوهیانو کې د څښاک د اوبو سطح هم ټیټه شوې ده. نور په دې رپورټ کې.
د افغانستان د خوست ولایت د ځينو خېلو د لیرې پرتو کلیو اوسېدونکي وايي چې هغوی په خپله نېږدې سیمه کې ښوونځی نه لري او ماشومان يې له زدکړو بې برخې دي. هغوی له اړوندو ادارو او نړیوالو بنسټونو غواړي چې ماشومانو ته يې د زدکړو فرصتونه برابر کړي.
د خوست په شیخ زاید پوهنتون چې د افغانستان له لویو مرکزونو څخه دی، د ۲۵ کلن علمي بهیر په اوږدو کې یې سلګونه ډاکټرانو په ګډون نېږدې ۱۷،۰۰۰ لیسانس فارغان ټولنې ته وړاندې کړي دي. په ورستیو کې له هغه پوهنتونه ۷۵ نور ځوان ډاکټران فارغ شول.
ه خوست کې د میخانیکي انسټیټوټ زده کوونکو او نوښتګرو ځوانانو لخوا د نوي جوړ شوي وسایل نندارې ته وړاندې شول په خوست کې د میخانیکي انسټیټوټ یو شمېر محصلانو او نوښتګرو ځوانانو خپل جوړ شوي وسایل نندارې ته وړاندې کړل شول. په دې کې یو شمېر پوځي او ملکي وسایل او د یو نوي کمپيوټري اپلیکشن نمونې شاملې
په پاکستان، افغانستان او نورو ګڼو اسلامي هېوادونو کې د اپرېل پر ۱۱مه د کوچني اختر دویمه ورځ ده. پر دې ورځ عموماً خلک بازارونو ته وځي او یا له ښاره بهر مېلې کوي. په خوست کې ځوانان وايي، دوی په کوچني اختر کې د هغه ولایت په لیرې او نېږدې سیمو کې بنډارونه او ملې جوړوي. ویډيويي رپورټ.
د افغانستان د پکتیا ولایت په څمکنیو ولسوالۍ کې ځينو کسانو په لږې پانګونې وړې کارخونې جوړې کړي او د ځانونو تر څنګ يې د نورو خلکو لپاره هم د کار زمینې برابرې کړې دي.
نور وښیئ
