په خوست کې د ۴ روغتیايي مرکزونو نیمګړي کارونه بیا پیل شوي
د جنورۍ پر ۲۹مه د خوست په مرکز او ولسوالیو کې د هغو څلورو روغتیايي مرکزونو ودانیزې چارې بیا پیل شوې، چې د تېر جمهوري نظام تر سقوط وروسته نیمګړې پاتې شوې وې. د طالبانو حکومت روغتیایي چارواکي وايي، د هېواد په کچ د دا ډول ټولو روغتیايي مرکزونو شمېر ۱۷۴ دی، چې اوس يې د بشپړولو لپاره څه د پاسه څلور نیم مېلیارده (اربه) افغانۍ منظورې شوې دي.