باز محمد عابد په ننګرهار کې د مشال راډیو خبریال دی چې د افغانستان د ختیز ولایتونو پر چارو رپورټونه جوړوي.
د اکتوبر دویمه نيټه چې د عدم تشدد له نړیوالې ورځې سره نومول شوې، په جلال اباد کې د دغه فلسفې لارویانو د باچاخان بابا په مزار د د يوې غونډې په تر سره کولو سره ونمانځله. دغه غونډه افغان ملي غورځنګ رابللې وه چې په ننګرهار سربيره په کې له کابل، کونړ او لغمان ولایتونو څخه هم د عدم تشدد په لسګونو لارویانو برخه اخیستې وه.
د ننګرهار چارواکي وايي چې ژر به له هغو زرګونو کورنيو سره د خوراکي توکو او د ژوند د اړتیاوو مرسته وشي چې په دې وروستیو کې د ناامنيو له امله له خپلو کورونو بې ځایه شوي دي.
د ننګرهار اچين ولسوالۍ د يو شمير کلیو خلک وايي چې د داعش وسله والې ډلې له خپلو کورونو په زوره را ایستلي او په بیلابيلو سیمو کې تر شنه اسمان لاندې په کڼدوالو کې شپې ورځې تيروي.
په جلال اباد کې شالوخوا سلو تنو نجونو او هلکانو ته د ټولنیزو ستونزو د اوارۍ په لار کې د ټکنالوژۍ په رول څلور ورځیني ښوونيز سيمینار کې زده کړې ورکړل شوې.
د ننګرهار سلګونو خلکو د يوه لاريون په ترڅ کې له حکومته په نويو بريښنايي پيژندپاڼو یا تذکرو کې د افغان او اسلام کليمې د لیکلو غوښتنه وکړه.
باچا خان بابا چې خپله اخري ارامګاه جلال اباد غوره کړې وه، د دې لویه وجه دا وه چې لر او بر پښتانه د يوه وجود غړي دي.
د ننګرهار د سولې ولایتي کميټې سره ۵۳ تنه د دولت وسله وال مخالفين یو ځای شول. چارواکي وايي چې دغو وسله والو به د شینوارو په بیلابیلو ولسواليو کې د دولت ضد فعالیتونه تر سره کول.
د ننګرهار چارواکي وايي د تيرې یوې میاشتې راهيسې چې د ننګرهار په حصارک، خوګياڼو او شیرزادو ولسواليو کې افغان ګډو امنيتي ځواکونو له لوري د دولت ضد وسله والو خلاف چاڼيز عمليات پیل شوي وو، پای ته ورسیدل.
په ننګرهار کې د دوه نيم مليونو په ارزښت د محصلینو لپاره د هاسټل يا لیلې ودانۍ جوړه او ګټې اخیستنې ته پرانستل شوه چې ۱۲۰۰ محصلینو د اوسیدو ظرفیت لري.
په جلال اباد کې يوې غير دولتی موسسې « له تاو تريخوالي ډکې افراطي کړيو سره د مبارزې په خاطر د ځوانانو ډيالوګ» تر سرليک لاندې يو ښوونيز سيمینار جوړ کړی و چې د افغانستان په يو شمير ولايتونو سربيره په کې له خیبر پښتونخوانه څخه هم يو شمير ځوانانو برخه اخيستې وه.
د افغانستان د نورو ولایتونو په څير په ننګرهار کې هم د خپلواکۍ د بيرته اخيستلو ۹۶ یمه کليزه په شاندارو مراسمو کې ونمانځل شوه چې په دولتي چارواکو سربيره په کې په زرګونو ولسي وګړو هم ګډون کړی و.
ټاکل شوې چې په افغانستان کې به د کمپيوټري تذکرو امحتاني ويش پيل شي خو په ننګرهار کې يو شمير مدني فعالان وايي چې که په تذکرو کې د افغان کلیمه ځای نه شي نو دوی به يې له اخيستلو انکار وکړي او په لاريونونو به لاس پورې کړي.
د زمري د میاشتې اتمه ویشتمه نيټه د افغانستان د خپلواکۍ د ورځې په توګه هر کال په ټول افغانستان کې په دولتي او ولسي کچه نمانځل کيږي. د جلا ل اباد ښار مدني فعالان هم لاس په کار شوي او د ښار په بیلابیلو برخو کې د ملي بیرغ تر څنګ د غازي امان الله خان انځورونه ځړوي.
د ننګرهار د ځوانانو چارو امريت د ځوانانو د نړیوالې ورځې د نمانځلو په ترڅ کې له دولت او مرستندویه نړیوالو ادارو څخه غوښتنه وکړه چې په دغه ولایت کې دې د ځوانانو ستونزو ته حل لارې ولټوي.
په ننګرهار کې د نشه يې توکوسره د مبارزې رياست په ملي کچه د نشه يي توکو په وړاندې د همغږۍ او هڅونې تر سرلیک لاندې د نشه يي توکو د استعمال او کښت د مخنیوي په غرض يو ورځینی سیمینار تر سره کړو.
د ننګرهار د عامې روغتيا دروغتيايي علومو له انستيتيوت څخه ۶۰ تنه نجونې او هلکان د نرسنګ له درې کلنو زده کړو وروسته فارغ شول چې د افغانستان په ختيځ زون کې به په روغتيايي کلینیکونو کې په کار وګمارل شي.
د ننګرهار دیني عالمانو او قومي مشرانو د يوې غونډې په ترڅ کې په افغانستان کې د سولې له روان بهير او افغان امنیتي ځواکونو څخه خپل ملاتړ اعلان کړ.
د ننګرهار د کامې او کوټ ولسواليو لپاره د سيمه ييزو پوليسو د منظورۍ پرانستونکي غونډه د چارشنبې په ورځ د جلال اباد په شاهي ماڼې تر سره شوه چې د ننګرهار پر اداري او امنيتي چارواکو سربيره په کې د ولایتي شورا استازو او د یادو ولسواليو قومي مشرانو ګډون کړی و.
د جلال اباد ښار په شاهي ماڼۍ کې د دوشنبې په ورځ تر سره شوه، د لغمان، کونړ او ننګرهار ولایت واليانو او امنیتي مسوولینو په کې برخه اخيستې وه.
نور وښیئ
