په قبايلي ضلعو کې د جولايي پر ۲۰ مه نېټه د خېبرپښتونخوا اسمبلۍ لپاره انتخابات کېږي.
پر ۱۶ چوکيو به څه باندې ۴۰۰ کانديدان سيالي کوي.
په دې تړاو انتخاباتي کمپېن په وروستيو مرحلو کې دی. د پاکستان تر جوړېدو وروسته دا لومړۍ ځل دی چې په قبايلي ضلعو کې د صوبايي اسمبلۍ لپاره انتخابات ترسره کېږي.
ټاکنې د قبايلي سيمو د خلکو لپاره څه ارزښت لري او دا به په مجموعي توګه دد سیمې پر ټولنيز، اقتصادي او سياسي ژوند څه اغېز وکړي؟
دا او نورې پوښتنې د مشال تر رڼا لاندې بحث کې واکدارۍ او ولسي احستاب مرکز سېنټر فار ګورنېنس اېنډ پبلک اکونټبلېټي مشر انور يوسفزی او خبريال او څېړونکی شمس مومند سره څېړل شوې دي.
