د دې اونۍ "د مشال تر رڼا لاندې" خپرونه مو په پاکستان کې پر زیاتېدونکو حملو، د ناامنۍ پر وړاندې حکومتي ستراتیژۍ او د ولس پر اندېښنو بحث ته ځانګړې کړې ده. په اسلام اباد کې د شخړو او سولې چارو څېړنیز مرکز د وروستي راپور له مخې، په فبرورۍ کې وسلوالو په پاکستان کې ۱۷۹ حملې وکړې چې پکې تر ۱۰۰ زیات کسان ووژل شول. بشپړه خپرونه وګورئ.
د مشال تر رڼا لاندې
چار شنبه ۲ اپرېل ۲۰۲۵
دا اونۍ مو "د مشال تر رڼا لاندې" بحث د پاکستان د پوځ مشر جنرال سید عاصم منیر تازه څرګندونو ته ځانګړی کړی دی. نوموړي د مارچ پر ۱۸مه د پاکستان د ملي امنیت په اړه د پارلېمان کمېټۍ غونډې ته وینا وکړه او و یې ویل چې پاکستان باید یو "سخت" یا "پیاوړی دولت" شي. نوموړي وروسته په بیان کې وویل چې د هېواد سیاسي او پوځي مشرتابه ژمنه کړې چې د زیاتېدونکې ناامنۍ مخنیوي لپاره د ترهګرۍ ضد کړنلاره عملي کړي او د طاقت له لارې د مسلو حل پیدا کړي. پوښتنه دا ده چې د جنرال منیر دا څرګندونې څه معنا لري؟ د ځواب لپاره یې بشپړ بحث وګورئ.
