انځور او ویډیو

• اپرېل ۰۹, ۲۰۲۵

  افغانان وايي له کاروبارونو ټولولو پرته پاکستان نه شي پرېښودای

  په اسلام اباد کې مېشت افغانان وايي هېواد ته ستنېدو ته تیار دي، خو حکومت دې ورته مهلت ورکړي چې ټولې کاروباري چارې بشپړې کړي. د پاکستان حکومت وايي، د بې اسناده او تابعیت کارډ لرونکو ایستلو ته ژمن دی. حکومت د اپرېل په لومړۍ اونۍ کې د هغو ایستل پیل کړل. موږ په اسلام اباد کې له افغانانو سره خبرې کړې دي.

• اپرېل ۰۸, ۲۰۲۵

  پېښور کې ديني عالم مولانا اعجاز عابد وژل شوی دی

  په پېښور کې ناپېژندليو وسلوالو د اپرېل پر اوومه د ماخوستن تر لمانځه وروسته ديني عالم مولانا اعجاز عابد وواژه. نوموړی د تحریک ختم نبوت غړی او په پېښور کې د اھل سنت والجماعت ډلې مخکښ وو.

• اپرېل ۰۸, ۲۰۲۵

  له پاکستانه د افغان کډوالو ستنېدو بهیر دوام لري

  په داسې حال کې چې له پاکستانه د تورخم پر لاره افغانستان ته د کډوالو د ستنولو بهیر روان دی، یوشمېر افغانان وايي چې چارواکي ورسره ښه چلند نه کوي. خو د پاکستان چارواکي د هغوی دعوې ردوي او وايي، افغانان په درناوي وطن ته لېږدوي. د رویټرز اژانس له ویډیو جوړ رپورټ.

• اپرېل ۰۷, ۲۰۲۵

  افغانان وايي د کراچۍ پولیس یې ځوروي او رشوت ورڅخه اخلي

  په کراچۍ کې مېشت افغانان تور پورې کوي چې پولیس د ملګرو ملتونو د کډوالو ادارې (یو اېن اېچ سي ار) د پروف اف رجسټرېشن یا پي او ار په نوم د مهاجرت کارډ لرونکي هم نیسي، ځوروي یې او رشوت ورڅخه اخلي. د کراچۍ پولیس د هغوی تور ردوي. ویډيويي رپورټ.

• اپرېل ۰۷, ۲۰۲۵

  د پکتیا اوسېدونکي د باغونو جوړولو لپاره د مرستو غوښتنه کوي

  په پکتیا کې کاروباریان وايي، سږ کال یې بازار ته د خرڅلاو لپاره د مېوه لرونکو او ښکلا لپاره ګڼ نیالګي وروړي خو خلک یې د اقتصادي ستونزو له وجې نه شي اخیستای. د ولایت اوسېدونکي وايي، چارواکي دې ورسره د نیالګیو اخیستو او باغونو جوړولو په برخه کې مرسته وکړي. ویډيويي رپورټ.

• اپرېل ۰۶, ۲۰۲۵

  د افغان کډوالو ټولنې مشر: "مهاجر باید د سیاست ښکار نه شي"

  په اسلام اباد کې د افغان کډوالو ټولنې مشر وايي، پاکستان د افغان تابعیت یا سېټېزن کارډ لرونکو ته هېواد ته د ستنېدو لپاره خورا کم وخت ورکړ او د مارچ په پای کې د مهلت له ختمېدو سره سم پولیسو ګڼ افغانان نیولي. د افغان کډوالو د ټولنې له مشر سره بشپړه ویډیويي مرکه وګورئ.

• اپرېل ۰۶, ۲۰۲۵

  د ټرمپ د نويو تعرفو اعلان پاکستاني سوداګر اندېښمن کړي دي

  امریکايي ولسمشر ډانلډ ټرمپ د پاکستان په ګډون پر خپلو سوداګریزو شریکانو "متقابلې تعرفې یا ټیکسونه" وضع کړې دي. نوموړي د دې تعرفو اعلان د اپرېل پر دویمه په سپينې ماڼۍ کې وکړ.

• اپرېل ۰۵, ۲۰۲۵

  د ميانمار په زلزله کې د وژل شويو کسانو شمېر ۳،۳۰۰ ته پورته شوی

  په میانمار (برما) کې د مارچ پر ۲۸مه راغلې زلزله کې د وژل شويو کسانو شمېر ۳،۳۰۰ ته پورته شوی دی. د هغه هېواد د دولتي رسنیو د راپورونو له مخې، په زلزله کې شاوخوا ۴،۵۰۰ کسان ژوبل شوي او ۲۲۰ نور بې درکه دي.

• اپرېل ۰۵, ۲۰۲۵

  مردان کې زېږېدلی محمد خان وايي د افغان کډوالو د ستنولو بهير يې ستونزې زياتې کړي

  د خیبر پښتونخوا د مردان په جلاله کيمپ کې زېږېدلی محمد خان وايي چې له پاکستانه د افغان کډوالو د ستنولو عمل خواشينی کړی دی. نوموړی هلته دوکانداري کوي او وايي چې کاروبار راغونډول او له خلکو سره حسابونه خلاصول زيات وخت غواړي.

• اپرېل ۰۵, ۲۰۲۵

  ډرونونه څنګه د ځنګلونو په اوروژنه کې مرسته کولای شي؟

  په جرمني کې یوه کمپني وايي، په مصنوعي زیرکتیا سمبال یوه بې پیلوټه الوتکه یې جوړه کړې چې په ځنګلونو کې د اور لګېدو موقعیت معلومولی او چټکه څارنه یې کولای شي. هغه ډرونونه به تر کوم بریده په ځنګلونو کې د اورلګېدو مخه ونیولای شي؟ ځواب یې د اسوشيېټېډ پرېس اژانس له ویډیو په جوړ رپورټ کې.

• اپرېل ۰۴, ۲۰۲۵

  اختر تېر شو خو خوست کې یې مېلې لا هم روانې دي

  د خوست اوسېدونکي وايي، پخوا به یې د کوچني اختر لمانځنه د لوی اختر پرتله مختصره وه خو اوس خلک مختلفو سیمو ته په چکر ځي، مېلې کوي او په بنډارونو د اختر لمانځنه پراخه شوې ده. په خوست کې یوشمېر تفریحي ځایونه او پارکونه دي چې ورته د افغانستان له مختلفو برخو خلک سیل ته ورځي. نور په ویډیويي رپورټ کې.

• اپرېل ۰۴, ۲۰۲۵

  د ایین ساتنې غورځنګ وايي د جمهوریت لپاره ولسي تحریک پیلوي

  د پاکستان د ایین ساتنې غورځنګ (تحریک تحفظ ایین پاکستان) په نوم د حکومت مخالفه شپږ ګوندي اتحاد مشرتابه ویلي چې په هېواد کې د اساسي قانون د سرلوړۍ او واکمنۍ لپاره تحریک پیلوي. د پښتونخوا ملي عوامي ګوند مشر محمود خان اڅکزي د اپرېل پر درېیمه په پښین ولسي غونډې ته وویل، د "خیر تحریک" به له ولسه جوړ وي.

نور وښیئ