مردان کې زېږېدلی محمد خان وايي د افغان کډوالو د ستنولو بهير يې ستونزې زياتې کړي
د خیبر پښتونخوا د مردان په جلاله کيمپ کې زېږېدلی محمد خان وايي چې له پاکستانه د افغان کډوالو د ستنولو عمل خواشينی کړی دی. نوموړی هلته دوکانداري کوي او وايي چې کاروبار راغونډول او له خلکو سره حسابونه خلاصول زيات وخت غواړي. هغه دا خبرې تر هغه وروسته مشال راډيو ته وکړې چې د پاکستان د حکومت له خوا بې اسناده او د افغان تابعیت یا سېټېزن کارډ لرونکو افغانانو ته په خپله خوښه د هغه هېواد د پرېښودو ضرب الاجل (مهلت) د مارچ پر ۳۱مه پای ته ورسېد او د اپرېل له درېيمې يې افغانستان ته د هغوی د لېږدولو دویم پړاو پیل کړی دی. ويډيو رپورټ