له پاکستانه د افغان کډوالو ستنېدو بهیر دوام لري
په داسې حال کې چې له پاکستانه د تورخم پر لاره افغانستان ته د کډوالو د ستنولو بهیر روان دی، یوشمېر افغانان وايي چې چارواکي ورسره ښه چلند نه کوي. دوی وايي، وطن ته د ستنېدو پر مهال له یو لړ مشکلاتو سره هم مخامخېږي. خو د پاکستان چارواکي د هغوی دعوې ردوي او وايي، افغانان په درناوي وطن ته لېږدوي. د پاکستان حکومت د اپرېل پر درېیمه د بې اسناده افغانانو تر څنګ د افغان تابعیت (سېټېزن) کارډ لرونکو د ستنولو بهیر هم پیل کړ. د رویټرز اژانس له ویډیو جوړ رپورټ.