د ميانمار په زلزله کې د وژل شويو کسانو شمېر ۳،۳۰۰ ته پورته شوی
په میانمار (برما) کې د مارچ پر ۲۸مه راغلې زلزله کې د وژل شويو کسانو شمېر ۳،۳۰۰ ته پورته شوی دی. د هغه هېواد د دولتي رسنیو د راپورونو له مخې، په زلزله کې شاوخوا ۴،۵۰۰ کسان ژوبل شوي او ۲۲۰ نور بې درکه دي. ملګرو ملتونو پر نړیوالو غږ کړی چې له میانمار سره مرستې وکړي. دا په داسې حال کې ده چې په میانمار کې له وړاندې لا د کورنۍ شخړې له امله اقتصادي حالات خراب دي. د رویټرز او فرانس پرېس اژانسونو له ویډیوګانو جوړ راپور.