Рубли Русия дар шаш моҳи имсол дар додугирифти Тоҷикистон бо кишварҳои Иттиҳоди Давлатҳои Мустақил (СНГ) ба пули асосӣ табдил ёфтааст.
Иддаои аъзои як оила аз ноҳияи Бобоҷон Ғафуров дар бораи он ки ташкилоти "Имон Интернешнл" панҷ кило тиловории онҳоро ҳамчун гарав қабул карду барнагардонд, дар нишасти матбуотии намояндаи Бонки Миллӣ дар Суғд баҳс барангехт.
Далер Ҷумъа, вазири энержӣ ва захираҳои оби Тоҷикистон, посухи рӯшан надод, ки дар тирамоҳу зимистони пешорӯ “лимит” ё маҳдудияти барқ мешавад ё не. Ӯ гуфт, “бояд омодагии ҷиддӣ бигирем ва ангишт захира кунем.”
Оҷонсии назорати давлатии молиявӣ ва мубориза бо коррупсия дар Шабакаҳои тақсимоти барқ беш аз 23 миллион сомонӣ зарари молиявиро ошкор намуда, бар зидди чанде аз кормандони ин идора парвандаи ҷиноӣ боз намудааст.
Беш аз 1900 мошине, ки як сол пеш тоҷирон барои фурӯхтан аз хориҷа ба Тоҷикистон оварда буданд, дар як истгоҳи гумрукӣ дар шаҳри Бӯстони вилояти Суғд банд мондааст.
Масъулони Вазорати молияи Тоҷикистон гуфтанд, ду баробар зиёд шудани пардохти қарзи хориҷӣ дар соли оянда барои буҷа душворӣ нахоҳад дошт, "чун пул ҳаст". Коршиносон бовар доранд, якбора зиёд шудани пардохти қарзи хориҷӣ барои аздозсупорандаҳо мушкил хоҳад шуд.
Фирдавс Толибзода, раиси Бонки миллии Тоҷикистон, мегӯяд, пули муштариёни бонкҳои муфлисшударо "марҳила ба марҳила медиҳанд", аммо санаву омори дақиқеро ба забон наовард. Баъзе аз амонатгузорон, аз ҷумла Солеҳамо Самадоваи 76-сола аз Душанбе шикоят доранд, ки аз масъулон фақат "пул нест" мешунаванд.
Масъулини ширкати "Барқи тоҷик" мегӯянд, то нерӯгоҳи "Роғун" пурра ба кор надарояд, лимити барқ дар кишвар боқӣ мемонад. Ин посух баъд аз он садо дод, ки хабарнигорон 6-уми август аз масъулини "Барқи тоҷик" пурсиданд, лимити барқ кай аз байн меравад.
Як дарс, ё намуна дар дили АвруОсиё таҷовузи Русия ба Украина дар моҳи феврали соли 2022 шуд, ки дар занҷираи таъминоти ҷаҳонӣ бебандуборӣ ба вуҷуд овард ва ҷабҳаи наве дар набардҳои геополитикӣ боз кард.
Бо вуҷуди фаро расидани моҳи севуми тобистон, обанбори нерӯгоҳи "Норак", манбаи асосии тавлиди барқ дар Тоҷикистон, ба қадри кофӣ аз об пур нашудааст. Дар моҳҳои феврал-марти имсол камбуди ҷиддии барқ пеш омад ва мақомот сабаби онро кам шудани об дар ҳамин обанбор гуфта буданд.
Ху Сюдун, соҳибкори чинӣ ва мудири ширкати "Хрустал", даъво дорад, ки бо вуҷуди иҷрои шартҳои зарурӣ ва гирифтани аснод, мақомоти Тоҷикистон ӯро аз иҷозаи истихроҷи санги мармар дар Вилояти Мухтори Кӯҳистони Бадахшон маҳрум кардаанд. Далели ҷониби Тоҷикистон ин аст, ки ӯ маҳсулотро ба хориҷа бурд.
Ёфтҳои бештар
