Дар Озарбойҷон рӯзи 4 июл ҷаласаи 17-уми сарони давлатҳои аъзои Созмони ҳамкориҳои иқтисодӣ баргузор мешавад ва дар кори он, аз ҷумла, президенти Тоҷикистон Эмомалӣ Раҳмон ҳам ширкат мекунад. Раҳбари Тоҷикистон субҳи ҷумъа вориди шаҳри Боку шуд. Дар ҷаласаи 17-уми раҳбарони кишварҳои узви СҲИ инчунин мақомоти Афғонистон, Озарбойҷон, Эрон, Покистон, Қазоқистон, Узбекистон, Туркия ва Туркманистон иштирок мекунанд.

Дар иттилоияи расмии ин созмон гуфта шудааст, ки роҳҳои тавсеаи ҳамкориҳои иқтисодӣ дар маркази баррасиҳои ҷаласа қарор мегирад.

Ҷаласаи сарон ду рӯз - рӯзҳои 3 ва 4-уми июл дар шаҳри Хонкендии минтақаи Қаробоғи Озарбойҷон барпо мешавад.

Созмони ҳамкориҳои иқтисодӣ як ташкилоти минтақавии байнидавлатӣ буда, соли 1985 таъсис шудааст. Ба узвияти он Туркия, Покистон, Эрон, Афғонстон, Озарбойҷон, Узбекистон, Қазоқистон, Қирғизистон, Тоҷикистон ва Тоҷикистон шомил ҳастанд.

Ба иттилои расонаҳои мухталиф, дар ҳошияи ин ҷаласа бархе раҳбарони кишварҳо мулоқоти ҷудогонаи худро барпо мекунанд. Аз ҷумла, Ҳинду Покистон гуфтаанд, ки нахуствазирони ду кишвар бояд бо ҳам дидору гуфтугӯ кунанд ва ҳам мақомоти Туркманистон аз дидору гуфтугӯҳои вазири корҳои хориҷии ин кишвар Рашид Мередов ва муовини раиси ҳукумати Толибон Абдулғанӣ Бародар хабар додааст. Ҳамкориҳои энерживу мухобиротӣ мавзӯи марказии ин гуфтугӯҳо будааст.

Дар бораи мулоқотҳои ҳошиявии президенти Тоҷикистон Эмомалӣ Раҳмон феълан хабаре нашр намешавад, вале ба иттилои сомонаи президент, ӯро дар ин сафар вазири корҳои хориҷӣ, ёрдамчиёнаш оид ба робитаҳои хориҷӣ ва масъалаҳои иқтисодӣ, вазирони рушди иқтисоду савдо ва нақлиёт ҳамроҳӣ мекунанд.

Паҳлавони тоҷик Обид Ҷебов дар мусобиқоти байналмилалии ҷудо Qingdao Grand Prix 2025, ки 26-уми сентябр дар шаҳри Тсиндаои Чин оғоз ёфт, медали нуқра ба даст овард.

Обид Ҷебов, ки дар вазни то 66 кило дар даври аввал озод буд, дар даври дуюм бар Нурмуҳаммад Ботабой аз Қазоқистон пирӯз шуда, ба нимфинал роҳ ёфт. Ҷебов дар даври ниманиҳоӣ Чаннйонг Кимро аз Кореяи Ҷанубӣ шикаст дода, ба финал баромад. Аммо паҳлавони 27-солаи тоҷик дар даври ниҳоӣ аз гуштигири 31-солаи муғул Басхуу Йондонперенлеи мағлуб шуд.

Дарвоқеъ, бори сеюм аст, ки Ҷебов аз ин рақиби пуртаҷрибаи худ шикаст мехӯрад. Медали нуқраи Обид Ҷебов аввалин ҷоизаи Тоҷикистон дар Qingdao Grand Prix 2025 аст.

Дар рӯзи аввали мусобиқот дар Тсиндаои Чин боз се нафар аз Тоҷикистон рақобат карданд. Муҳаммадсолеҳ Қувватов дар вазни то 60 кило, ки бар асоси қуръакашӣ дар даври аввал озод буд, дар даври дуюм бар Ҳйесунг Ҳванг аз Кореяи Ҷанубӣ пирӯз шуд. Аммо Қувватов дар ҳаштякфинал аз Ҳайато Кондои ҷопонӣ шикаст хӯрд. Паҳлавони 23-солаи тоҷик дар даври тасаллобахш аз рақиби ҳамсолаш Таики Накамураи ҷопонӣ мағлуб шуда, дар натиҷа мақоми ҳафтумро соҳиб гашт.

Меҳрзод Суфиеви 25-сола дар вазни то 60 кило аз даври дуюм вориди сабқат шуда, қувваозмоиро ба Туменҷаргал Тувшинтури 21-сола аз Муғулистон бохт ва аз ҳаққи идомаи мубориза маҳрум шуд.

Александра Кани 19-сола дар сабқати занон дар вазни то 57 кило дар даври аввал аз Яқи Гонги 20-сола аз Чин ноком шуда, аз идомаи мубориза бенасиб монд.

Ба иттилои Федератсияи байналмилалии ҷудо (IJF), дар Гран-прии Тсиндао 200 варзишгар (117 мард ва 83 зан) аз 26 кишвари 5 қора иштирок доранд.

Тоҷикистонро дар ин мусобиқот ҳафт гуштигир дар рақобатҳо байни мардон ва ду нафар миёни занон намояндагӣ мекунанд.

Дар ду рӯзи дигари мусобиқот панҷ нафар аз Тоҷикистон - Абубакр Шеров ва Масъуди Аҳмадзод, ҳарду дар вазни то 73 кило, Сомон Маҳмадбеков дар вазни то 81 кило ва Ҷаҳонгир Маҷидов дар вазни то 100 кило дар сабқати мардон, инчунин Виктория Киселёва дар вазни +78 кило дар сабқати занон - рақобат хоҳанд кард.

Абубакр Шеров, ки дар даври аввал озод аст, дар даври дуюм бо ғолиби ҷуфти Энхдул Лхамаа аз Муғулистон ва Эҷдер Токтай аз Туркия нерӯ месанҷад. Масъуди Аҳмадзод низ сабқатро аз даври дуюм шуруъ намуда, бо ғолиби ҷуфти Стевен Болдбаатар аз Иёлоти Муттаҳидаи Амрико ва Рамазон Коҷаков аз Баҳрайн қувваозмоӣ хоҳад кард.

Сомон Маҳмадбеков, ки дар даври аввал озод аст, дар даври дуюм бо намояндаи Чин Саилике Сонгҳайер ба рақобат мепардозад. Ҷаҳонгир Маҷидов дар даври аввал бо намояндаи Кореяи Ҷанубӣ Ҳансу Ким қувва меозмояд. Виктория Киселёва дар даври аввал бо Сун Шаоҳан аз Чин нерӯсанҷӣ хоҳад кард.

Барномаи мусобиқот:

26-уми сентябр (ҷумъа). Қувваозмоиҳо дар вазнҳои -48 кг, -52 кг, -57 кг миёни занон; -60 кг, -66 кг миёни мардон.

27-уми сентябр (шанбе). Қувваозмоиҳо дар вазнҳои -63 кг, -70 кг миёни занон; -73 кг, -81 кг миёни мардон.

28-уми сентябр (якшанбе). Қувваозмоиҳо дар вазнҳои -78 кг, +78 кг миёни занон; -90 кг, -100 кг, +100 кг миёни мардон.

Ба ҷуз аз медал, ғолибон дар ҳамаи 14 вазн (7 вазн байни мардон ва 7 вазн миёни занон) бо 3000 евро, барандагони медали нуқра бо 2000 евро ва соҳибони медали биринҷӣ бо 1000 евро мукофотонида мешаванд, ки 20 фисади маблағи ҷоизаҳои варзишгарон барои мураббиёнашон муқаррар шудааст.

Инчунин ширкаткунандагони ин мусобиқоти пурнуфузи байналмилалӣ соҳиби имтиёзҳо дар радабандии IJF (Федератсияи байналмилалии ҷудо) мегарданд.

Дар Мачитони шаҳри Ваҳдат бо сармояи Олмон, шифохонаи кӯдаконаи беморони сил ифтитоҳ шуд.

Аз Сафорати Олмон дар Душанбе ба Радиои Озодӣ гуфтанд, ин беморхона рӯзи 26 сентябр тайи маросиме бо ҳузури президент Эмомалӣ Раҳмон ва сафири Олмон дар Тоҷикистон Йорк Шуграф, ифтитоҳ шуд.

Ба иттилои манбаъ, Бонки рушди олмонии KfW тамоми хароҷоти беморхонаро, ки 60 миллион сомониро ташкил медиҳад, сармоягузорӣ кардааст.

Сафорати Олмон мегӯяд, ки дар солҳои гузашта KfW таҷдиди Маркази миллии бемориҳои сил, ҷарроҳии шуш ва сина дар Мачитонро, ки беморхонаи кӯдакона тобеи он аст, бо маблағи тақрибан 100 миллион сомонӣ маблағгузорӣ кардааст.

Тибқи иттилои Сафорати Олмон дар Душанбе, дар даҳсолаҳои охир KfW барои сохтмон ва навсозии бемористонҳо дар минтақаҳои гуногуни Тоҷикистон ба маблағи умумии 1 миллиарду 250 миллион сомонӣ кӯмак намудааст.

Ба навиштаи хабаргузории ТАСС, чанд каси дигар дар беморхона муолиҷа мегиранд. Нашрияи "База" бо такя ба манбаъҳои худ навишт, ки ҳамаи онҳо машруботи дорои спиртро дар деҳаи Гостинитсии ноҳияи Слантсево истеъмол кардаанд. Як сокини маҳаллӣ бо гумони фурӯши ин маводи бесифат ҳабс шудааст.

Дар Русия солҳои охир чандин ҳодисаи заҳролудшавии гурӯҳӣ дар натиҷаи истеъмоли арақи дасткоришуда ба қайд гирифта шудааст, чун сабабаш ба машрубот омехта кардани спирти метил мебошад.

Чанд рӯз пеш дар Русия додгоҳе аз рӯи қазияи заҳролудшавӣ бо нӯшокии "Мистер Сидр" ҳукм содир кард. Баъди нӯшидани ин машрубот соли 2023 дар вилояти Самара 50 нафар ҷон доданд. Соли 2016 дар натиҷаи заҳролудшавӣ бо "Боярышник" 76 кас ҷон дода буд.

Ӯро дар додани маълумоти дурӯғин дар Конгресс ва монеъ шудан ба татбиқи адолат гумонбар медонанд. Президент Доналд Трамп чандин бор даъват карда буд, ки Комиро ба ҷавобгарӣ кашанд.

Коми аввалин раиси собиқи Бюрои федеролии тафтишот аст, ки ӯро дар содир кардани ҷиноят гумонбар мекунанд. Ӯ дар баробари дигар парвандаҳо, аз ҷумла, таҳқиқи робитаҳои эҳтимолии тими Трамп ва Русияро ҳам назорат мекард. Иттиҳомҳои зидди ӯ ба баромади ӯ дар соли 2020 дар Сенат рабт дорад, ки дар бораи дахолати эҳтимолии Русия ба интихоботи соли 2016-и ИМА баҳс мекард.

Он замон Коми гуфт, ки ба ҳеҷ касе супориш надода буд, ки маълумот дар бораи тафтишотро ҳамчун манбаи беном ба матбуот бидиҳанд, вале баъди ин чанд далеле пайдо шуд, ки мегӯяд, маълумот ба матбуот бо ризоияти худи Коми роҳ ёфта буд. Коми соли 2017, баъди сари кор омадани Трамп дар Кохи Сафед аз вазифа маҳрум шуд ва баъди ин ҳарду бо ҳамдигар дар ҳоли ихтилофи ошкор қарор доштанд.

Ба Коми дар сурати гунаҳгор эълон шудани ӯ, то панҷ соли зиндон таҳдид мекунад. Худи Коми, ки дар гузашта худро як қурбонии таъқибҳои сиёсӣ номидааст, гуфтааст, ки ба адолати судӣ бовар дорад.

Хабаргузории Мизон, ки ба низоми додгустарии Эрон рабт дорад, рӯзи 25-уми сентябр иддао кард, ки Рашидии 42-сола “бемории саръ (эпилепсия) дошта, дучори ташаннуҷ буд ва мудом дарди сар дошт” ва рӯзи 15-уми сентябр аз по уфтод.

Дар хабари расмӣ омадааст, ки ӯро нахуст табибони бемористони зиндони Қарчак ва баъди ин дар бемористони шаҳри Варомин муолиҷа карданд. Вале оҷонсии фаъолони ҳомии ҳуқуқи инсон, ки дар ИМА воқеъ аст, ба нақл аз табибон гуфтанд, ки дар асл сабаби бад шудани вазъи саломатии Рашидӣ дар он буд, ки ба ӯ сари вақт ёрии тиббӣ расонида нашуд.

Гурӯҳи “Ҳангом”-и фаъолони ҳуқуқи инсон, воқеъ дар Норвегия, навишт, ки табибони зиндон ба ҷои расонидани ёрии муносиби тиббӣ ба ӯ доруву дармони оромбахш медоданд. Ба навиштаи ин гурӯҳ, “нодида гирифтани вазъи ӯ боиси ташаннуҷ ва дар натиҷа, сакта кардани ӯ шуд”. Хонаводаи Рашидӣ ҳоло талош дорад, ки сабаби марги ӯро “иштибоҳи бемористон” сабт кунад. Яке аз ҳамҳуҷраҳои Рашидӣ дар зиндони занонаи Қарчаки воқеъ дар ҷануби Теҳрон, ки Рашидӣ он ҷо нигаҳдорӣ мешуд, ба Радио Фардо гуфт, ки ӯ “дучори саръ буд, дардаш зуд-зуд хуруҷ мекард ва аз сардарди бисёр сахт азият мешуд. Ҳар вақте ба пизишки зиндон муроҷиат мекард, ба ӯ мегуфтанд, ки аз камғизоӣ ранҷ мебарад ва дубора ба ҳуҷраи зиндон мефиристоданд”.

Мақомот дар Эрон зиндониҳои сиёсиро дар сурати сар задани мушкили саломатӣ сари вақт ба назди табибон намефиристанд ва танҳо дар ҳолати сангин иҷоза медиҳанд, ки бо ёрии касбии тиббӣ фаро гирифта шаванд.

Паҳлавонони тоҷик дар мусобиқоти байналмилалии ҷудо - Qingdao Grand Prix 2025, ки рӯзҳои 26-28-уми сентябр дар шаҳри Тсиндаои Чин доир мегардад, ширкат меварзанд.

Ба иттилои Федератсияи байналмилалии ҷудо (IJF), дар Гран-прии Тсиндао иштироки 200 варзишгар (117 мард ва 83 зан) аз 26 кишвари 5 қора дар назар аст. Тоҷикистонро дар ин мусобиқот ҳафт гуштигир дар рақобатҳо байни мардон ва ду нафар миёни занон намояндагӣ хоҳанд кард.

Меҳрзод Сӯфиев ва Муҳаммадсолеҳ Қувватов (ҳарду дар вазни то 60 кг), Обид Ҷебов дар вазни то 66 кило, Абубакр Шеров ва Масъуди Аҳмадзод, ҳарду дар вазни то 73 кило, Сомон Маҳмадбеков дар вазни то 81 кило ва Ҷаҳонгир Маҷидов дар вазни то 100 кило дар сабқати мардон, инчунин Александра Кан дар вазни то 57 кило ва Виктория Киселёва дар вазни +78 кило дар сабқати занон рақобат мекунанд.

Бар асоси қуръакашӣ Муҳаммадсолеҳ Қувватов дар даври аввал озод буда, дар даври дуюм бо Ҳйесунг Ҳванг аз Кореяи Ҷанубӣ ба рақобат мепардозад. Меҳрзод Суфиев низ аз даври дуюм вориди сабқат шуда, бо ғолиби ҷуфти Йуантао Ванг аз Чин ва Тувшинтур Туменҷаргал аз Муғулистон қувва меозмояд.

Обид Ҷебов, ки дар даври аввал озод аст, дар даври дуюм бо ғолиби ҷуфти Нурмуҳаммад Ботабой аз Қазоқистон ва Кантемир Замбатов аз дастаи IJF (Федератсияи байналмилалии ҷудо) рӯбарӯ мешавад.

Абубакр Шеров ҳам дар даври аввал озод аст. Вай дар даври дуюм бо ғолиби ҷуфти Энхдул Лхамаа аз Муғулистон ва Эҷдер Токтай аз Туркия рақобат мекунад. Масъуди Аҳмадзод низ сабқатро аз даври дуюм шуруъ намуда, бо ғолиби ҷуфти Стевен Болдбаатар аз Иёлоти Муттаҳидаи Амрико ва Рамазон Коҷаков аз Баҳрайн қувваозмоӣ хоҳад кард.

Сомон Маҳмадбеков, ки дар даври аввал озод аст, дар даври дуюм бо намояндаи Чин Саилике Сонгҳайер ба рақобат мепардозад. Ҷаҳонгир Маҷидов дар даври аввал бо намояндаи Кореяи Ҷанубӣ Ҳансу Ким қувва меозмояд.

Александра Кан дар даври аввал бо Яқи Гонг аз Чин ва Виктория Киселёва дар даври аввал бо Сун Шаоҳан аз Чин нерӯсанҷӣ мекунанд.

Барномаи мусобиқот:

26-уми сентябр (ҷумъа). Қувваозмоиҳо дар вазнҳои -48 кг, -52 кг, -57 кг миёни занон; -60 кг, -66 кг миёни мардон.

27-уми сентябр (шанбе). Қувваозмоиҳо дар вазнҳои -63 кг, -70 кг миёни занон; -73 кг, -81 кг миёни мардон.

28-уми сентябр (якшанбе). Қувваозмоиҳо дар вазнҳои -78 кг, +78 кг миёни занон; -90 кг, -100 кг, +100 кг миёни мардон.

Ба ҷуз аз медал, ғолибон дар ҳамаи 14 вазн (7 вазн байни мардон ва 7 вазн миёни занон) бо 3000 евро, барандагони медали нуқра бо 2000 евро ва соҳибони медали биринҷӣ бо 1000 евро мукофотонида мешаванд, ки 20 фисади маблағи ҷоизаҳои варзишгарон барои мураббиёнашон муқаррар шудааст.

Инчунин ширкаткунандагони ин мусобиқоти пурнуфузи байналмилалӣ соҳиби имтиёзҳо дар радабандии IJF мегарданд.

Рақобат ниҳоят шадид хоҳад буд: ин мусобиқот аз рӯи анъана гуштигирони зӯртарини ҷаҳонро гирди ҳам меорад ва марҳилаи муҳими омодагӣ ба қаҳрамонии Осиё ва ҷаҳон, инчунин сабқати интихобӣ ба Бозиҳои олимпии соли 2028 дар Лос-Анҷелес мебошад.

Аммо бар асоси наворе, ки шабакаҳои иҷтимоӣ роҳ ёфт, дида мешавад, ки ронандагон дар ин ҷамъомад аз он эътироз карданд, ки чаро ҳар рӯз аз онҳо 100 сомонӣ ситонида мешавад.

Намояндагони барномаи "Jura" ба ронандагон гуфтаанд, масъалаи ситонидани 100 сомонӣ ба онҳо рабт надорад ва ронандагон бояд ба ширкатҳои таксиронӣ муроҷиат кунанд.

Шикояти асосии ронандагони таксӣ дар пойтахт ин аст, ки сарфи назар аз кор баромадан ё беморӣ, онҳо бояд ҳар рӯз ба ширкат 100 сомонӣ пардохт кунанд. Қаблан ронандагон аз ҳаққи роҳкиро 10 дарсадашро ба ширкатҳо месупориданд.

Моҳи июни имсол шаҳрдории Душанбе танҳо ба чор ширкати мусофиркашонӣ иҷозаи таксиронӣ дар ҳудуди пойтахтро дод. Инҳо ширкатҳои "Эко-Таксӣ", "Олуча-авто", "Ковиён" ва "Сафо-таксӣ" ҳастанд, вале номи моликонашон маълум нест.

Қаблан ширкати "Эко таксӣ" дар вокуниш ба гузориши Радиои Озодӣ гуфта буд, агар ронандагон бемор бошанд, метавонанд рақами мошинро супоранд ва ҳамон рӯз аз пардохти 100 сомонӣ озод мешаванд.

Баъди қарори шаҳрдории Душанбе дар моҳи июн шикояти ронандагон ва ҳам мусофирони таксӣ зиёд шудааст. Аз як сӯ ронандагон аз пардохти 100 сомонӣ шикоят доранд, аз сӯи дигар мусофирон мегӯянд, бо ҷорӣ шудани барномаи нав нархи роҳкиро боло рафт.

Назаре, ки масъулин онро қабул надоранд.

Ҳукумати Тоҷикистон бо мувофиқаи порлумон муҳлати иҷрои қонун "Дар бораи суғуртаи тиббӣ"-ро барои панҷ соли дигар, яъне то соли 2030 ба таъхир гузошт. Мақомот мегӯянд, сарчашмаи маблағгузории ин қонун то ҳол аниқ нест.

Дар қонун пешбинӣ шудааст, ки маблағи суғуртаи тиббӣ аз ҳисоби буҷаи кишвар бояд пардохт шавад. Вале дар хулосаи расмӣ омадааст, агар маблағи суғуртаи тиббӣ аз ҳисоби андози иҷтимоӣ пардохт шавад, пас давлат дар иҷрои ӯҳдадориҳои иҷтимоии худ, яъне пардохти кумакпулӣ ва нафақа, ба мушкил дучор мешавад.

Аз сӯи дигар, Вазорати меҳнат ва муҳоҷират пешниҳоди пардохти маблағи суғуртаи тиббӣ аз ҳисоби маоши коргаронро низ қабул накардааст.

Намояндагони ин вазорат гуфтаанд, маоши коргарон дар Тоҷикистон бе ин ҳам басанда нест ва гирифтани чанд дарсад маош барои суғурта, сатҳи зиндагии мардумро мушкил мекунад.

Қонун дар бораи суғуртаи тиббӣ дар Тоҷикистон соли 2008 қабул шуда, вале то ҳол иҷро нашудааст. Мақомот маротибаи шашум аст, ки иҷро шудани ин қонунро ба таъхир мегузоранд.

Коршиносони бахши тиб борҳо гуфтаанд, ҷорӣ шудани суғуртаи тиббӣ дар Тоҷикистон, фасодро дар соҳаи тандурустӣ кам мекунад. Ин таҷриба дар бисёр кишварҳои пешрафта ва ҳамсояҳои Тоҷикистон амал мекунад.

Мақомоти Узбекистон ба "рейд" ва боздошти чанд нафар дар вақти консерти як ҳунарманди узбек дар Русия вокуниш карданд.

Оҷонсии муҳоҷирати Узбекистон гуфт, консерти Ҷалолиддин Аҳмадалиев қаблан бо мақомоти маҳалли минтақаи Красноярск мувофиқа нашуда буд ва зоҳиран ин кор боиси гузарондани "рейд" гардид.

Мақомоти Узбекистон гуфтанд, барои ҳимояи ҳуқуқи шаҳрвандони ин кишвар вакили дифоъ гирифтаанд.

Шаби 23-юми сентябр нерӯҳои пулис "ОМОН"-и Русия вориди як маросими хурсандии муҳоҷирони зодаи Осиёи Марказӣ шуда, даҳҳо нафарро боздошту бозпурсӣ карданд.

Пулис дар хабарномааш гуфтааст, ки дар ин маросим 620 нафар ширкат дошт ва онҳо "амалиёти зидди маводи мухаддир" анҷом доданд.

Дар навори нашркардаи пулис дида мешавад, ки онҳо гурӯҳе аз меҳмонони маҳфилро даст пушти ҳам бо автобус ба шӯъбаи пулис мебаранд.

Консулгарии Узбекистон дар Новосибирск гуфтааст, гузарондани чунин "рейд" бояд асоси қонунӣ дошта бошад ва фароғати шаҳрвандонро халалдор насозад.

Мақомоти интизомии Русия чанд соли ахир бо бадтарин шева бо муҳоҷирон бархӯрд карда, бе огоҳӣ ба ҷои хобу кори онҳо ҳамла мекунанд.

Дар овоздиҳии имрӯза аз 90 вакил 84 нафараш бо пароканда кардани порлумон розӣ шуд.

Раиси парлумони Қирғизистон Нурланбек Тургунбек уулу гуфт, ки дархости пароканда кардани порлумонро чанде пеш дар як аризае 32 вакил пешниҳод карданд ва ба бовари ӯ, далелҳои онҳо асоснок ҳастанд. Дар ин муроҷиат гуфта шудааст, ки дар Қирғизистон моҳи ноябри соли 2026 интихоботи навбатии порлумонӣ ва январи соли 2027 интихоботи президентӣ барпо хоҳанд шуд ва Комиссиюни марказии интихобот дар фурсати кӯтоҳ наметавонад ин ду чорабинии муҳими сиёсиро баргузор намояд. Раиси парлумон гуфт, ду маъракаи паиҳами сиёсӣ дар кишвар мушкилоти сиёсию иқтисодӣ эҷод мекунад. Бар асоси қонун, дар паи қарори пароканда шудани порлумон дар давоми 5 рӯз бояд санаи баргузории интихоботи ғайринавбатӣ эълон шавад. Пешбинӣ мешавад, ки санаи интихоботи нав ба 30 ноябри имсол таъин мешавад.

Ҳайати амалкунандаи порлумони Қирғизистон соли 2021 интихоб шуда, ба он 90 вакил аз панҷ ҳизби сиёсӣ, аз ҷумла, "Ота Ҷурт-Қирғизистон", "Ишеним", "Интимоқ", "Алянс", "Бутун Қирғизистон", "Ийман Нуру" шомил шудаанд.

Владимир Плахотнюкро тобистони имсол дар Юнон бар асоси шикояти Молдова аз рӯи иттиҳоме, ки онро дар кишвар “тақаллуби аср” номидаанд”, боздошт ва 25 сентябр истирдод карданд. Ӯро дар нопадидшавии 1 миллиард доллар маблағҳои бонки дар соли 2014 гумонбар медонанд. Ин маблағ 12 дарсади маҷмӯи маҳсулоти дохилии Молдоваро ташкил медиҳад. Владимир Плахотнюк давоми солҳои дароз барои сафед кардани номаш мубориза бурд. Ҳоло интизор меравад, ки 26 сентябр бори аввал дар додгоҳ ҳозир шавад.

Интихоботи парлумонии Молдова 28 сентябр барпо мешавад ва натиҷаҳои он маълум мекунад, ки самтгириҳои баъдии ин кишвар бо Иттиҳоди Аврупо аст ё Русия.

Дар Қирғизистон вакилон барои пароканда кардани порлумон овоз доданд. Ҳамаи 84 вакил аз ин қарор пуштибонӣ карданд ва касе раъйи мухолиф надод.

Қаблан Нурланбек Тургунбек, раиси порлумон гуфта буд, ки 32 вакил бо далелҳои асоснок пешниҳод карданд, ки Жогорку Кенеш пароканда карда шавад.

Интихоботи навбатии порлумонӣ дар Қирғизистон қарор буд моҳи ноябри соли 2026 ва интихоботи президентӣ январи 2027 баргузор шавад. Дар номаи вакилони қирғиз омадааст, Комиссияи марказии интихобот дар муддати кутоҳ наметавонад ду интихобот баргузор кунад.

Бар асоси қонуни тасвибкардаи порлумон, президент бояд интихоботи пеш аз муҳлат таъйин кунад. Пешбинӣ мешавад, ки интихоботи ояндаи порлумонӣ дар Қирғизистон 30 ноябри имсол баргузор шавад.

Дар Тоҷикистон мавридҳои таҷовуз ба номус ё қасди таҷовуз бештар шудааст.

Оҷонсии омор дар гузориши тозааш мегӯяд, дар ҳашт моҳи соли равон 31 мавриди таҷовуз ба номус сабт шудааст, ки дар қиёс ба ҳамин давраи соли гузашта 10 маврид ё 47 дарсад бештар мебошад.

Маълум нест, ки сабаби якбора зиёд шудани ҳолатҳои таҷовуз ба номус чист. Мақомоти қудратӣ дар ин замина ҳеч шарҳе надодаанд.

Баъзе аз ҷомеашиносон ва ҳуқуқшиносон гуфтанд, ҳанӯз ҳеч таҳқиқоти ҷиддӣ сурат нагирифтааст, ки заминаҳои афзоиши ин мавридҳоро дақиқ кунад. Як мушкили дигар, ба гуфтаи созмонҳои ҳомии ҳуқуқ, ин аст, ки на ҳама сокинон дар Тоҷикистон аз озори ҷинсӣ дидан расман шикоят мекунанд.

Кумитаи наҷоти гаравгонон ва зиндониёни сиёсӣ, ки қароргоҳаш дар Лаҳистон аст, марги Зубайдуллоҳи Розиқ, узви пешини Раёсати олии Ҳизби дар Тоҷикистон мамнуъи наҳзати исломиро натиҷаи дар шароити бад нигоҳ доштани мухолифони ҳукумат гуфтааст.

Ин созмон 24-уми сентябр дар изҳороте гуфт, "таъқиби мухолифон ва нигоҳ доштани онҳо дар шароити ғайриинсонӣ, боиси чунин фоҷеаҳо шудааст".

Мақомоти Тоҷикистон ба ин изҳорот вокунише накардаанд ва дар бораи сабабҳои марги Зубайдуллоҳи Розиқ дар зиндон чизе нагуфтаанд.

Ин собиқадори ҳаракати сиёсии исломӣ ва донишманди фиқҳ субҳи 24-уми сентябр дар синни 83 солагӣ дар зиндони шаҳри Ваҳдат даргузашт ва дар шаҳри Душанбе ба хок супорида шуд.

Ба гуфтаи наздиконаш, Зубайдуллоҳи Розиқ то зиндонӣ шуданаш дар соли 2015 гирифтори бемории дил буд. Ӯро соли 2024 як муддат дар бемористони зиндони шаҳри Ваҳдат бистарӣ карда буданд.

Кумитаи наҷоти гаравгонон ва зиндониёни сиёсӣ аз ҷомеаи ҷаҳонӣ даъват кардааст, ки "барои озодии фаврии ҳамаи зиндониёни сиёсӣ дар Тоҷикистон тадбирҳои ҷиддӣ андешанд".

Мақомоти Тоҷикистон будани зиндониёни сиёсиро дар кишвар рад мекунанд.

Дастаи мунтахаби футзали Тоҷикистон, ки дар бозии охиринаш дар марҳилаи интихобии Ҷоми Осиё-2026 аз тими миллии Ҷопон бо ҳисоби 1:3 мағлуб шуд, дар гурӯҳи С мақоми дуюмро касб кард ва ба қисми ниҳоии мусобиқот роҳ ёфт.

Бозии футзалбозони тоҷик бо қаҳрамони чаҳоркаратаи Осиё шаби 24-уми сентябр дар Қасри теннис ва маҷмааи варзишҳои обии шаҳри Душанбе доир гардид.

Нимаи аввали бозӣ бо ҳисоби 1:0 ба суди футзалбозони тоҷик хотима ёфт. Голро Самандар Ризомов дар дақиқаи 13-ум ба самар расонд.

Дар нимаи дуюми бозӣ ҷопониҳо ба дарвозаи мизбонон се гол заданд. Голҳоро Сора Каназава, Митсури Накамура ва Казуя Шимизу ба дарвозаи мунтахаби Тоҷикистон ворид карданд. Ҳамин тавр, бозӣ бо ғалабаи мунтахаби Ҷопон бо ҳисоби 3:1 ба поён расид.

Дар бозии дигари даври сеюм дар гурӯҳи С тими миллии Камбоҷа бар дастаи мунтахаби Макао бо ҳисоби 11:2 ғолиб омад.

Ёдовар мешавем, дар даври якуми марҳилаи интихобии Ҷоми Осиё-2026 дар гурӯҳи С Ҷопон бар Камбоҷа бо ҳисоби 5:0 ва Тоҷикистон бар Макао бо ҳисоби 10:2 пирӯз шуда буданд. Дар даври дуюм Ҷопон бар Макао бо ҳисоби 13:0 ва Тоҷикистон бар Камбоҷа бо ҳисоби 7:1 ғалаба карданд.

Ба ин тартиб, пас аз натиҷагирии бозиҳои се даври мусобиқот дар гурӯҳи С Ҷопон бо касби 9 имтиёз мақоми аввалро соҳиб шуда, ба қисми ниҳоии Ҷоми Осиё-2026 роҳхат гирифт.

Мунтахаби Тоҷикистон зери раҳбарии сармураббӣ Пайрав Воҳидов дар гурӯҳи худ бо касби 6 имтиёз ҷойи дуюмро ишғол кард ва ба қисми ниҳоии мусобиқот роҳ ёфт.

Бояд тазаккур дод, дар қисми ниҳоии Ҷоми Осиё, ки аз 27-уми январ то 7-уми феврали соли 2026-ум дар Индонезия доир мегардад, ба ғайр аз дастаи мизбон, ғолибони ҳашт гурӯҳи интихобӣ ва ҳафт дастаи беҳтарини ҷойҳои дуюм иштирок хоҳанд кард.

Ҳайати дастаи мунтахаби футзали Тоҷикистон дар мусобиқоти интихобии Ҷоми Осиё-2026 чунин буд:

Дарвозабонҳо: Фирӯз Бекмуродов, Нуриддин Ҷабборов, Фирӯз Бозмамадов;

Бозигарони майдонӣ: Дилшод Саломов, Идрис Ёров, Самандар Ризомов, Некрӯз Идиев, Насратшо Исмоилов, Муҳаммад Раҷабов, Муҳаммадҷон Шарипов, Бахтиёр Солиев, Хусрав Холиқназаров, Умед Қузиев, Баҳодур Хоҷаев;

Сармураббӣ – Пайрав Воҳидов.

Мавқеи дастаҳо дар ҷадвали гурӯҳи С