Qytetarët ndihen të "lodhur" nga zgjedhjet
Teksa presim rifillimin e seancës, sjellim mendimet e disa qytetarëve në kryeqytet, të cilët i thanë Radios Evropa e Lirë një ditë më parë se ndihet të lodhur nga zgjedhjet e njëpasnjëshme.
Disa qytetarë në Prishtinë ndajnë mendimet e tyre se kush mban përgjegjësinë për krizën institucionale e politike.
Formohet komisioni i përkohshëm, seanca në pushim të shkurtër
Deputetët e zgjedhur votuan ashtu siç pritej për ta formuar Komisionin e përkohshëm për verifikimin e kuorumit dhe të mandateve të deputetëve.
Kryesuesi i seancës, Avni Dehari, tha se komisioni do të mblidhen në një takim, ndërkohë që urdhëroi një pushim prej 30 minutash.
Fillon seanca
Seanca për konstituimin e Kuvendit të Kosovës ka filluar.
Ajo po kryesohet nga Avni Dehari, si deputeti më i moshuar, ashtu siç e kërkon procedura.
Tani deputetët duhet ta formojnë Komisionin e përkohshëm për verifikimin e kuorumit dhe të mandateve të deputetëve.
Tahiri: Aleanca nuk ka ndryshuar qëndrim
Deputeti i Aleancës, Besnik Tahiri, ka thënë se qëndrimi i tyre nuk ka ndryshuar lidhur me votimin e qeverisë e zgjedhjen e presidentit
Sipas tij, Kosova “nuk ka as kohë dhe as energji me humb me lojëra dhe pazare politike”.
“Ne kemi një qëndrim publik, i cili nuk lidhet me asnjë moment që duam të kemi hise në qeveri apo që synojmë me pas diçka të ngjashme. Brenga jonë, shqetësimi jonë është që Kosova është kah humb, është kah shkon mbrapa. Kosova është duke u degraduar në çdo masë dhe është jetike konstituimi i institucioneve të Kosovës”, ka deklaruar ai.
Tahiri ka thënë se kryeministri në detyrë, Albin Kurti do duhej t`u përgjigjej kërkesave që Aleanca i ka prezantuar, e që sipas tij, janë për të mirën e Kosovës.
“A më tregoni cila pikë është e dëmshme për Kosovën në gjashtë pika tona?”
