یو شمېر پاکستاني محصلان، چې د قرغزستان په پلازمېنه بشکیک کې یې درس وایه او تېره اوونۍ د قهرجنو کسانو لهخوا تر ډلهییز برید لاندې راغلل، اوس پاکستان ته ستانه شوي دي. هغوی د مې میاشتې د ۱۷مې او ۱۸مې تاوتریخوالو وروسته څو ورځې په لیلیو کې پاتې شول، ځکه د لا ډېر تاوتریخوالي له ګواښ سره مخامخ وو.
په بغلان کې وروستیو سېلابونو سلګونه کسان مړه او زرګونه نور بې کوره کړل. د بغلان د برکې ولسوالۍ د فلول کلي د اوسېدونکي نیکمحمد د کورنۍ درې غړي سېلابونو وړي دي. هغه ازادي راډیو ته وویل، ورځې وشوې چې د خپلې کورنۍ د غړو په لټه کې دی، خو تراوسه یې کوم درک نه دی موندلی.
د ایران د ولسمشر ابراهیم رئیسي د جنازې درې ورځني مراسم داسې مهال پيل شول چې یو شمېر ایرانیان یې په مرګ خوښي ښيي. د ازادي راډیو د ایران څانګې، فردا راډیو له یوې مېرمنې سره چې د کورنۍ ۱۱ غړي یې په ۱۹۸۸ کې د ایران د اسلامي جمهوریت لخوا اعدام شول، خبرې کړې دي.
په غور ولایت کې وروستیو مرګونو او ویجاړوونکو سېلابونو د ۶۵ کلنې بيبي عایشې هر څه اخیستي دي. هغه اوس سرپناه نه لري او وايي چې تر اوسه ورسره مرسته نه ده شوې. نور جزییات په راپور کې:
د ایران سرکاري خبري اژانس ارنا د مې پر ۲۰مه په یو بیان کې تایید کړه چې ولسمشر ابراهیم رییسي، د بهرنیو چارو وزیر حسین امیر عبداللهیان او ورسره نور یو شمېر چارواکي د هیلي کاپټر غورځېدو په پېښه کې وژل شوي دي.
د غور اوسیدونکي سېلاب ځپلو ته د بشري مرستو له نه رسېدو شکایت لري او وایي چې هلته سېلاب ځپلي د بېړنیو مرستو اړتیا لري. د جمعې ورځې سېلابونو په دغه ولایت کې تر ۵۰ پورې کسان مړه کړل. د دې ترڅنګ تر اته نیم زرو پورې کورونه هم سېلابونو ویجاړ کړي او زرګونه جریبه کرنیزه ځمکه یې ځپلې ده.
په بشکیک کې خپلو اتباعو ته د هند او پاکستان خبرداری
په قرغیزستان کې لږترلږه ۳۰ بهرني محصلان ټپیان شوي.
غور کې سېلابونو منار جام د نړېدو ګواښ سره مخ کړی ازادي راډیو ته رسېدلې ویډیو څرګندوي چې په غور کې سېلابونه د منار جام څنډو ته رسېدلي او دغه تاریخي اثر د نړیدو خطر سره مخ دی.
اوومه ورځ - له سعید شینواري سره
د بغلان ولایت د فلول کلی یو له هغو سیمو ده چې سېلابونو ورته ډېر زیانونه اړولي دي. د ملګرو ملتونو د ماشومانو د ملاتړ صندوق شمېرې هم ښيي چې د دولسو زرو کورونو په ویجاړېدو او زیانمنېدو سره په دې سېلابونو کې د څلوېښتو زرو ماشومانو په ګډون اتیا زره کسان اغېزمن شوي دي. نور په راپور کې:
د طالبانو حکومت د کډوالو او بېرته راستنېدونکو چارو وزارت تاییدوي چې په بغلان ولایت کې د وروستیو سېلابونو له امله ۳۱۵ کسان مړه او ۱۶۳۰ کسان ټپیان شوي دي. دغه وزارت ویلي چې دغه شان په دې سېلابونو کې دوه زره او ۶۶۵ کورونه ویجاړ او زر څاروي هم له منځه تللي دي.
نور راوښيه
