نامعلومو وسلهوالو د پاکستان په پایتخت اسلاماباد کې پر یوې امام بارګاه ډزې کړي چې د چارواکو په وینا یو کس یې وژلی او ۴ نور یې ټپیان کړي دي.
په اسلاماباد کې ځايي پولیس چارواکو رسنیو ته ویلي چې دا پېښه د چهارشنبې په ورځ ناوخته د دې ښار په سیکټر اي ۸ (ای-۸) نومې سیمه کېرامنځته شوې ده.
د چارواکو په خبره:
"د نامعلومو موټر سایکل سپرو وسلهوالو هغه وخت پر "باب العلم" امام بارګاه ناتاره ډزې وکړې چې له دغې امام بارګاه څخه تر لمانځه وروسته خلک د راوتلو په حال کې وو چې په نتیجه کې یې یو کس وژل شوی او ۴ ټپیان شوي دي."
ځايي رسنۍ د چارواکو په حواله وايي، د پېښې ټپیان یې د درملنې لپاره د اسلاماباد پمز روغتون ته لېږدولي او په دغو کې د دوو ټپیانو روغتیايي وضعیت د اندېښنې وړ بولي.
د پاکستان ډان خبري اژانس بیا د وسلهوالو بریدګرو په ډزو کې وژل شوی کس د پاکستان د یوې استخباراتي ادارېکارکوونکی یادوي.
پولیس وايي چې پر امام بارګاهتر برید وروسته یې د پېښې تحقیقات پیل کړي او د وسلهوالو بریدګرو د نیولو هڅې یې روانې کړي دي.
د یادونې وړ ده چې تر دې دمه لاپه اسلاماباد کې د دغه وسلهوال برید مسؤلیت کومې وسلهوالې ډلې پر غاړه نهدی اخېستی.
راپور: ذبیح مومند
