Орусиянын Оренбург шаарында суу ташкындан кыргыздар дагы жабыркады. "Азаттык" орус жарандыгын алган кыргыз тектүү 10дой үй-бүлөнүн там-ташы суу астында калганын тактады.
Орусиянын Федералдык коопсуздук кызматы Москва шаарында жана Донецктеги теракттардын алдын алганын билдирди. Эки шаарда тең күч органдары Борбор Азия мамлекеттеринин жарандарын кармашты, бирок алар кайсы мамлекеттен барганы азырынча тактала элек. Кармоо учурунда шектүүлөрдүн бири өлтүрүлгөн.
Москвадагы кыргыз дипломатынын үй-бүлөсүнө жасалган орой мамилени Кыргызстандын Тышкы иштер министрлиги айыптап, нота тапшырды. Мунун алдында орус полициясы элчиликтин кеңешчиси Манас Жолдошбековдун үйүнүн эшигин бузуп кирип, күч колдонгону кабарланган.
Тышкы иштер министрлиги (ТИМ) Кыргызстандын Москвадагы элчилигинин кеңешчиси Манас Жолдошбековдун үй-бүлөсүнө карата орус полициясынын орой мамилесин айыптап, нота тапшырды. Орусия тарап окуяны териштирүүнү убада кылды.
Орусияда “Крокус-ситидеги” кандуу кол салууга байланыштуу камалган тажикстандыктардын саны ондон ашты. Бул теракттан көп өтпөй кандуу калабаны даярдаган деген шек менен Тажикстандын жана Кыргызстандын бирден жараны Түркияда кармалганы белгилүү болду.
Маалыматтарга караганда, орус аскерлери дрондор жана ракеталар менен чабуул коюшту. Алар кайрадан энергетикалык инфрастүзүмдөрдү бутага алганы, Киевдин жанындагы ири жылуулук электрстанциясы талкаланганы кабарланды. Николаев облусунда эки киши каза тапты.
Казакстанда селден улам 100 миңдей киши эвакуацияланды. Өлкө президенти Касым-Жомарт Токаев кырдаалды «болуп көрбөгөндөй жаратылыш кырсыгы» деп атаган. Бишкекте оор жүк ташуучу жана атайын техникалардын айдоочулары иш таштады.
11-апрелде Бишкектин четинде оор жүк ташуучу жана атайын техниканын айдоочулары нааразылык акциясына чыкты. Алар Бишкек мэриясынын оор жүк ташуучу автоунаалардын шаар ичинде жүрүшүнө киргизген чектөөсүнө да нааразы болуп, иш таштады.
Баткендин Кыштут айылынын тургундары ар кандай мааракелерде ашыкча чыгымдарды кыскартып, элдин экономикалык абалын чыңдоо демилгесин ишке ашыра баштады. Чыгым кыскарганы айылдын жалпы ишине каражат топтоп, "Ашар" менен айылдын муктаждыктарын чечүү да жеңил.
Газалыктар Орозо айтты согуш шартында белгилеп жатышат. Ачарчылык коркунучу тооруган анклавдын тургундары мурункудай майрамдоо үчүн шарты да, маанайы да жоктугун айтышат.
Газалыктар Орозо айтты согуш шартында белгилеп жатышат. Ал арада АКШнын президенти Израиль өкмөт башчысынын Газадагы саясатын “жаңылыш” деп атады. Журналисттерди коргоо комитети кыргыз бийлигин камалган журналисттердин баарын бошотуп, аларга коюлган айыптарды алып салууга чакырды.
Эми Казакстандагы кырдаалга келели. Атырау облусундагы 66 миң калктуу Күлсары калаасы суу ташкынынан эң көп жапа чеккен жерлердин бири. Шаардын 34 миң тургуну өз үй-жайын таштап кетүүгө аргасыз болду. Ал жерде 2 миң 600 жер там жана административдик имараттар суу астында калды.
Дагы жүктөңүз
