Грузин парламенти “чет элдик агент” тууралуу мыйзам долбоорун 1-майда экинчи окууда кабыл алды. Оппозиция жана жарандык коом мыйзамга каршылыгын билдирип, эки күндөн бери Тблисиде митингге миңдеген адам чогулуп жатат.
Сузактагы "Манас айтуу" иш-чарасында унаа тебелеп кеткен балдардын арасынан баш сөөгү сынып, жарааты олуттуу экени айтылган тогуз жаштагы кызга Бишкекте операция жасалды.
Баш каалаанын башчысы Айбек Жунушалиев 16-апрелде Ататүрк паркынан жеке жактарга жер берген мэриянын буга чейинки 124 токтому жокко чыгарылганын билдирген. Ушул тапта сейил бакта мыйзамсыз курулган 198 объект бар деп эсептелген. Мурда курулушка бөлүнгөн 43 гектар жер кантип кайра шаарга кайтарылат?
2022-жылы мамлекетке өткөн Майлуу-Суу лампа заводу былтыр 6% үстөк менен 1 млрд сом насыя алган. Ал акчага жаңы мештер, айнек банка чыгаруучу машине алынып, заводдун ишин жандантуу аракети болууда. Соңку жылдары жумушчулардын саны кыскара баштаган. Учурда заводдо 1400 киши эмгектенет.
АКШ өз кезегинде ХАМАСты тезинен чечим кабыл алууга чакырды. Ал арада Израил армиясы Газа тилкесине сокку урууну улантууда. Биринчи күнү ондогон палестиндин өмүрү кыйылганы кабарланды. Тель-Авивде радикал уюмдун туткунундагы израилдиктерди бошотууну талап кылган ири митинг өттү.
Ысык-Көлдүн Ак-Суу районунун тургуну Бакытбек Мамбетов гидропоникалык ыкманы өздөштүрүп жатат. Сүт багытындагы уйларды багып жаткан фермер соңку жылдары кургакчылыктан улам чөп аз болуп жаткандыктан тоюттун жаңы түрүнө кызыга баштаган.
Кыргызстандагы маңзатка каршы күрөш тууралуу ИИМдин Баңгизатты мыйзамсыз жүгүртүүгө каршы күрөш кызматынын өкүлү Марсел Дөөталиев "Азаттыкка" маек курду.
Жалал-Абад шаарындагы "Даанакер" коомдук бирикмесинин жетекчиси, шаардык кеңештин депутаты Айжамал Тарыхчиева күнөскана куруп, түрдүү гүлдөрдү өстүрүп жатат. Үч жылдан бери көчөт сатып киреше таап, төрт кишинин жумуш менен камсыздады.
Казакстандын Түркстан облусунун Төлө бий районунун Загамбар айылында мектеп окуучусунун зордукталганы кабарлангандан кийин чыр чыкты. Белгисиз бирөөлөр чарбалык жайды жана үч автоунааны өрттөп салышкан. Көп өтпөй айылга полиция келип, коопсуздук чараларын күчөткөнү белгилүү болду.
АКШнын президенти Жо Байден 24-апрелде Украинага дээрлик 61 млрд доллар жардам берүү мыйзамына кол койду. Кыргызстанда нөшөрдөн улам үч күндө 67 сел жүрдү. Өлкөдө көк жөтөл күч алып, ага чалдыккандардын саны соңку төрт айда миңден ашты.
Өзгөчө кырдаалдар министринин орун басары Урматбек Шамырканов Жогорку Кеңештин 25-апрелдеги жыйынында сел, суу ташкындардын кесепети жөнүндө маалымат берди. Сел болгон маалда ал жана министрдин башка орун басары чет өлкөгө кандай иш сапары менен барганын да түшүндүрдү.
Дагы жүктөңүз
