АКШнын лидери Дональд Трамп Украинанын президенти Владимир Зеленскийди “шайлоосуз отурган диктатор” деп атады. Трамптын билдирүүсү дүйнө коомчулугуунда кызуу талкууга жем таштады. Москвадагы “Крокус Сити Холл” концерттик борборунда болгон теракт боюнча комментарий жазган Кыргызстандын жараны Бекзат Абдинасир уулу Орусияда үч жылга абакка кесилди. Жер кодексинин жаңы редакциясына нааразы болгон кырктай адам Жогорку Кеңештин алдына нааразылык акциясына чыкты. Алар президентти мыйзам долбооруна кол койбоого чакырды.