Венгрияга Кыргызстандан барган үч жүздөн ашык кыргыз мигранты бир күндө заводдон айдалган. Бул өлкөгө иш издөө үчүн келген кыргызстандыктар арасында ишсиз калган учурлар кайталанып келет. “Азаттык” окуялардын чоо-жайын жеринен иликтейт.
Төрт айдан бери тергөө абагында жаткан журналист Актилек Капаров колун кескилегени тууралуу кат жазды. Чет өлкөлүк жарандарга Ысык-Көлдүн аймагынан мүлк сатып алууга уруксат берген мыйзам долбоорун парламент экинчи окууда кабыл алды. Орус армиясы Украинанын тогуз аймагына абадан жапырт сокку урду.
Таш-Көмүр шаарындагы дарыгерлер соңку жылдары боор илдети күчөп, сарыктын түрлөрүнө чалдыккандар көбөйүп жатканын айтышты. Чакан шаарда эле ушу тапта алты жүздөй киши илдеттин оор түрүн жуктуруп алган. Чакан шаарда таза суу тартыш, канализация жана башка көйгөйлөр чечилбей калган.
OCCRP, Temirov Live жана “Клооп” басылмалары Кыргызстандагы мамлекеттик 11 ири долбоордун алтооно 137 млн доллар сарпталып жатканын жана ага жогорку жетекчилердин жакындарынын байланышын иликтеди. Израил Газанын Рафах шаарына чабуулдарын улантууда. Орусия “Талибанды”кара тизмеден чыгарышы мүмкүн.
“Беш-Күңгөй айылында 35 гектардан ашуун жайыт жер мыйзамсыз трансформацияланып, ондогон турак жай тургузулуп жатат”, - деген тургундар 10 жылдан бери арызданып жүрөт. Айыл-чарба министрлигине караштуу мекеме жайыт жерлер мыйзамсыз трансформация болгонун "Азаттыкка" билдирди.
Кыргызстандык жаран Украинада туткунга түшкөнү тууралуу видео Ютубда жарыяланды. Видео качан жана так кайсыл жерде тартылганы белгисиз. Анда өзүн кыргызстандык деп тааныштырган жаран Орусияга балдарына барганын, көчөдө аны полиция кармап кетип, согушка мажбурлап алып кеткенин айтып берген.
Таласта үч адамды мыкаачылык менен өлтүрүүгө шектүүнүн абактан мөөнөтүнөн мурда бошоп чыкканы белгилүү болгондон кийин пробациялык көзөмөл тууралуу талкуулар күчөдү.
ОшМУда окуп жаткан чет элдик студенттердин арасында кыргыз маданиятын жана каада-салтына кызыгып, үйрөнгөндөр да бар. Индиядан келген медицина факультетинин студенттери Мариям менен Жеймс Кыргызстанда билим менен кошо өнөр үйрөнүп жатышат.
Жаңы Эмгек кодексинин долбоору Жогорку Кеңештин кароосуна киргизилди. Ал азыркы редакцияга караганда кыйла кыска, бир катар жаңы ченемдерди камтыйт. Маселен, балдар үйлөрүн бүтүрүп чыккандарды жумушка орноштурууга квота каралууда. Өкмөт жаңы жылдык жана май майрамдарын белгилөөнү да сунуштоодо.
Кыргызстанда көзү ачык, бүбү-бакшыларды жарнамалоого тыюу салган мыйзам долбоору экинчи окуудан өттү. Коңшу Тажикстанда бал ачуу менен алектенген 50 адам кармалды.
АКШнын эл аралык өнүктүрүү агенттиги (USAID) Кыргызстан эгемендүүлүк алгандан бери өлкөнүн ар кайсы тармактарын өнүктүрүүгө багытталган жүздөгөн долбоорлорду ишке ашырып келет. Уюм 1992-жылдан бери өлкөнүн өнүгүшү үчүн жалпысынан 600 млн. доллардан ашуун жардам көрсөткөн.
Дагы жүктөңүз
