Абактагы УИАнын мурдагы кызматкери Жоомарт Карабаев атайын кызматтын тергөөчүсү ага басым-кысым кылганын билдирип, президентке кайрылды. Ливанда пейжерлердин жарылуусунан тогуз киши каза таап, миңдеген киши жараат алды. Жаңы жылдан тарта Москвада мигранттар тейлөө тармагында иштей албайт.
Ысык-Көлдүн Жети-Өгүз районунда тогуз жаштагы кызды зордуктоого шек саналып 19 жана 25 жаштагы эки жигит кармалды. Шектүүлөр райондук соттун чечими менен эки айга камакка алынган. Бул үрөй учурган окуя кыргыз коомундагы балдарга жасалган зордук-зомбулуктун дагы бир ачыкка чыккан учуру болуп калды.
Ош шаарында 16-сентябрда “Коопсуз шаар” долбоору ишке кирди. 60 жерге камера орнотулуп, жол эрежесин бузуу фактыларын автоматтык түрдө сүрөткө, видеого тартып, айып пулдар салынат. Долбоор дээрлик эки айдан ашык пилоттук режимде иштеп келген. Аны орусиялык “Мегафон” компаниясы ишке ашырууда.
Таластын Кең-Арал айылындагы мектептин имаратынын курулуш иштеринин кечеңдешине байланыштуу окуучулар жаңы окуу жылын медресе, кафенин имаратында баштоого аргасыз болду. Курулуш иштери бюрократиялык маселелерден улам кечеңдегини айтылууда. Бул кырдаалга ким жооптуу?
Украинанын Аскердик-аба күчтөрү өткөн түнү Орусия учурган 53 дрон атып түшүрүлгөнүн маалымдады. Өзбекстан жана Германия ортосунда миграция макулдашуусу кабыл алынды. Атайын кызматтын төрагасы Камчыбек Ташиев “Ата-Журт” саясий партиясын алдыдагы жергиликтүү кеңештерге шайлоого катыштырбасын айтты.
УКМК төрагасы Камчыбек Ташиев “Ата-Журт” саясий партиясы алдыдагы жергиликтүү кеңештерге шайлоого катышпай турганын айтып, бийлик кайсы бир партия же талапкерди сүрөөнгө албай турганын билдирди. Кыргызстанда жергиликтүү кеңештерге шайлоо 17-ноябрда өтөт.
Европа өлкөлөрү кандай адистиктеги мигранттарга муктаж? Борбор Азия жумушчу күчүн Европага жөнөтө алабы? Бул сыяктуу маселелер 14-сентябрда Прагадагы “Борбор Азия форумунда” талкууланды.
Жапырт камалган 11 журналисттин кылмыш ишин караган сотто эксперт Азамат Жанышбек уулу сурак берди. Депутат Молдобекова жардамчысынын кармалды. Орус армиясы Украинанын Сумы облусунун Конотоп шаарына чабуул койду. Кыргыз-өзбек чек арасындагы “Кара-Суу” жана “Кең-Сай” өткөрүү бекеттери кайра ачылды.
Сокулукта төрөттөн ажал тапкан Айым Жыргалбек кызынын жакындары дарыгерлерди шалаакылыкка айыптап, милицияга кайрылганы жатат. Оорукана жетекчилиги айыптоо менен макул эмес. Экспертиза жүрүп жатканын, анын жыйынтыгы 20 күндөн кийин чыгарын билдирип жатат. Маркумдун ымыркайына операция жасалган.
Юстиция министрлигинин "Чет элдик өкүлдүн функцияларын аткарып жаткан коммерциялык эмес уюмдарынын реестрине" үч уюм катталды. Алардын катарында ЖИА-бизнес ассоциациясы да бар.
Тергөө абагында отурган Алга Кылычовдун саламаттыгы начарлап, оор абалда ооруканага түшкөнү кабарланды. Газада Израилдин аскерлери абадан сокку урганда Ал-Маваси лагеринде 40тан ашуун киши набыт болду. Сокулук районунда мектептеги мушташтан 9-класстын окуучусу каза болду.
Чүйдүн жака белиндеги айылдарда, жайкысын талаа жумуштарында жалданып иштеген бир нече топтор бар. Алардын көпчүлүгү аялдар. “Данистенин” бул жолку чыгарылышында Сары-Өзөндүн кең талаасында аптапка карабай керелден-кечке жаны тынбай иштеп, жалданма жумуш менен жан баккандар тууралуу айтып беребиз.
Дагы жүктөңүз
