Түштүк Кореяда саясий кризис уланууда. Эми президент Юн Сок Ёлдун кызматтан кетүүсүн анын өзүнүн партиясы да талап кылды. Бийликтеги Элдик партиянын лидери Хан Дон Хундун айтымында, президенттин кызматта калуусу демократия үчүн коркунуч жаратат.
Түштүк Кореяда оппозиция президентке импичмент жарыялоого чакырды. Тиешелүү мыйзам долбоору добушка 5-6-декабрь күндөрү коюлушу мүмкүн. 3-декабрдын кечинде Түштүк Кореянын президенти Юн Сок Ёль күтүүсүздөн өлкөсүндө аскердик абал жарыялаган.
Сирияда акыркы төрт жылда дээрлик унутулган жарандык согуш кайрадан күчөдү. Өткөн аптада козголоңчулардын коалициясы Алеппону басып алган. Бул макалада Орусиянын ролу кандай жана Сирия жаңжалындагы козголоңчулар кимдер экенин түшүндүрөбүз.
Орусия Украинанын оккупацияланган аймактарында жашы жете электерге патриоттуулукту калыптандыруу жана аларды өз өлкөсүнө каршы согушка даярдоо үчүн милитаристтик жаштар кыймылын колдонууда.
Кипр өкмөтү инвестициялык программа алкагында чет элдиктерге берген "алтын паспортторду" жокко чыгарууну улантууда. Жергиликтүү Politis гезити 77 адамдан турган "кара тизмени" жарыялады.
Грузияда борбор калаа Тбилисиде жана башка аймактарда парламенттик шайлоодон кийин башталган нааразылык акциялары уланууда. Үч күн ичинде 50дөй адам жабыркап, 200гө жакыны кармалды, журналисттер ур-токмокко алынды. ЕБга мүчө өлкөлөр "Грузин кыялы" партиясынын өкүлдөрүнө санкция жарыялоодо.
Сирияда Башар Асаддын режимине каршы күрөшүп келаткан куралдуу топтор өлкөнүн түндүк-батышындагы Идлиб провинциясын толугу менен өз көзөмөлүнө алды. Сириянын армиясы Алеппонун көпчүлүк аймактарын ээлеп алган козголоңчулар менен кагылышууда оор жоготууларга учураганын билдирди.
Грузияда өкмөт Евробиримдикке кирүү боюнча сүйлөшүүлөр 2028-жылдын аягына чейин жүрбөйт деген чечимин жарыялагандан кийин өлкөдө толкундоолор уланууда.
28-ноябрда Орусия Украинанын энергетикалык объектилерине жапырт сокку урду. Астанага келген орус президенти Владимир Путин муну украин тараптын Батыштын ракеталары менен Орусиянын аймагын бутага алып жатканына жооп деп мүнөздөдү.
Израил жана Ливандагы "Хезболла" радикал уюму ок атууну токтотуу келишимине жакындап калды. Бул тууралуу расмий булактар жана маалымат агенттиктери билдирди. АКШ жана Франциянын арачылыгы менен түзүлгөн планды премьер-министр Биньямин Нетаньяхунун коопсуздук кабинети жактырууга тийиш.
25-ноябрда грузин парламентинин жаңы чакырылышы биринчи сессияга чогулду. Президент жана оппозиция бир ай мурун болгон шайлоо башкаруудагы “Грузин кыялы” партиясынын пайдасына бурмаланганын айтып, анын легитимдүүлүгүн тааныган эмес.
Дагы жүктөңүз
