Грузияда өкмөт Евробиримдикке кирүү боюнча сүйлөшүүлөр 2028-жылдын аягына чейин жүрбөйт деген чечимин жарыялагандан кийин өлкөдө тынч акциялар башталды. Анда ондогон киши кармалып, журналисттер сабалды.
28-ноябрда Орусия Украинанын энергетикалык объектилерине жапырт сокку урду. Астанага келген орус президенти Владимир Путин муну украин тараптын Батыштын ракеталары менен Орусиянын аймагын бутага алып жатканына жооп деп мүнөздөдү.
Израил жана Ливандагы "Хезболла" радикал уюму ок атууну токтотуу келишимине жакындап калды. Бул тууралуу расмий булактар жана маалымат агенттиктери билдирди. АКШ жана Франциянын арачылыгы менен түзүлгөн планды премьер-министр Биньямин Нетаньяхунун коопсуздук кабинети жактырууга тийиш.
25-ноябрда грузин парламентинин жаңы чакырылышы биринчи сессияга чогулду. Президент жана оппозиция бир ай мурун болгон шайлоо башкаруудагы “Грузин кыялы” партиясынын пайдасына бурмаланганын айтып, анын легитимдүүлүгүн тааныган эмес.
Дүйнө өзгөрүп жатат. Бирок миллиондогон аялга мурдагыдай эле эң негизги укуктары үчүн күрөшүүгө туура келүүдө. Ооганстан, Иран же Борбор Азияда аялдар туш болгон көйгөйлөр айырмаланышы мүмкүн. “Талибан” башкарган Ооганстанда аялзат өкүлдөрү коомдук турмуштан четтетилип, эркиндиги тебеленүүдө.
Украин президенти Владимир Зеленский Орусия АКШда шайланган президент Дональд Трамп расмий түрдө ишке киришкенге чейин украин күчтөрүн Курск облусунан сүрүп чыгаргысы келерин билдирди. Reuters жазгандай, украин армиясы Орусиянын бул облусунда ээлеп турган аймактарынын 40 пайыздан ашыгын жоготту.
Акыркы бир жыл ичинде украиналык ойлоп табуучулар 200дөн ашык ар кандай роботтук системаларды иштеп чыгышты. Аппараттар мина коюуга, душмандын позицияларын жок кылууга, жабдууларды жана снаряддарды ташууга, пулемётторду атууда колдонулат.
Украинанын аймактык коргонуу күчтөрүнүн ыктыярчысы Алексей Побигайды орус аскерлери 2022-жылы Бучада кармап кетишкен. Анын колдору байланып, башына ок тийген сөөгү орусиялык аскерлер таштап кеткен базанын аймагынан табылган.
Каспий түлөнү – Казакстанды мекендеген жалгыз деңиз жаныбары. Жаз менен күздө түлөндөр (аюу балык) деңиздин Казакстан тарабына ооп келет. Алардын жапырт кырылуусуна адамдын таасири, климаттын өзгөрүүсү жана суунун булганышы себеп болууда. Асел Баймуканова түлөндү көп жылдан бери иликтеп жүрөт.
АКШнын жаңы шайланган президенти Дональд Трамп республикачы сенатор Марко Рубиону Мамлекеттик департаменттин башчысы кызматына көрсөттү. Рубио Кытай боюнча катаал саясат зарылдыгын айткан, Кубанын коммунисттик өкмөтүн ачык сындаган, Израилди активдүү колдогон саясатчы.
Пакистандыктардын жапырт күн панелдерине өтүп жатканы мамлекеттик энергетика компаниясынын башына түйшүк түшүрдү. 200 миллион киши жашаган өлкөдө электрэнергиясынын баасы өтө кымбат болгондуктан, карапайым калк Кытайдан алынган арзан күн панелдерин жапырт сатып алууда.
Орус армиясы Каспий деңизинен Украинага сокку уруп жатканы жөнүндө маалымат аскердик аракеттер дүйнөдөгү эң чоң көлгө экологиялык залакасын тийгизеби деген кооптонууну күчөттү. Москванын коңшусуна кол салганы адам өмүрүн алгандан сырткары экологиялык трагедияга түртүшү ыктымал.
Дагы жүктөңүз
