АКШнын жаңы шайланган президенти Дональд Трамп республикачы сенатор Марко Рубиону Мамлекеттик департаменттин башчысы кызматына көрсөттү. Рубио Кытай боюнча катаал саясат зарылдыгын айткан, Кубанын коммунисттик өкмөтүн ачык сындаган, Израилди активдүү колдогон саясатчы.
Пакистандыктардын жапырт күн панелдерине өтүп жатканы мамлекеттик энергетика компаниясынын башына түйшүк түшүрдү. 200 миллион киши жашаган өлкөдө электрэнергиясынын баасы өтө кымбат болгондуктан, карапайым калк Кытайдан алынган арзан күн панелдерин жапырт сатып алууда.
Орус армиясы Каспий деңизинен Украинага сокку уруп жатканы жөнүндө маалымат аскердик аракеттер дүйнөдөгү эң чоң көлгө экологиялык залакасын тийгизеби деген кооптонууну күчөттү. Москванын коңшусуна кол салганы адам өмүрүн алгандан сырткары экологиялык трагедияга түртүшү ыктымал.
12-ноябрда Израилдин куралдуу күчтөрү – ЦАХАЛ Бейруттун жака белине сокку урду. Армиянын өкүлү тараткан маалыматка караганда, анын алдында жергиликтүү жашоочуларга эскертүү берилген. Бир күн мурун Ливандын түндүгүндө аба соккусунан кеминде 14 киши каза тапты. Израил Газада да операциясын улантууда.
Украин тарап Орусия Курскиге он миңдеген аскерлерин жиберип, аймакты көзөмөлгө алууга аракет кылып жатканын билдирди. The New York Times гезити жекшембиде АКШдагы жана Украинадагы булактарына таянып, Курскиде Орусия менен Түндүк Кореянын 50 миңдей аскери чабуулга даярданып атканын жазган.
Орусия Курск облусундагы украин күчтөрү ээлеп турган аймактарын кайтарып алуу максатында чабуул жасоо үчүн түндүк кореялык жоокерлер менен кошо 50 миңдей аскер чогултту. Бул тууралуу The New York Times гезити жекшембиде АКШдагы жана Украинадагы булактарына таянып билдирди.
Түркмөнстандын балдар үйүндө тарбияланып чыккан келин, өзүнө окшоп кароосуз калган жетим балдар өлкөнүн мамлекеттик мекемелеринде ачка калып, кордукка, ал тургай сексуалдык зомбулукка дуушар болорун айтат. Бирок түркмөн өкмөтү балдар үйлөрү коопсуз жай экенин белгилейт.
Орусия Курскиде украин армиясына каршы согушка салган түндүк кореялык күчтөрдүн даярдыгы күмөн жаратат. Бирок украин армиясынын коргонуусун бузуп өтүү үчүн алардын саны жетиштүү болушу мүмкүн.
Дональд Трамптын экинчи президенттик мөөнөтү кандай болот? Трамптын жактоочулары ал АКШнын дүйнөдөгү кубаттуу дөөлөтүн калыбына келтирет деп ишенет. Ал эми каршылаштары Трамптын Ак үйгө кайтып барганы Американын демократиясына коркунуч экенин белгилеп жатышат.
Америкалык медиа каражаттарынын расмий эмес долбоорлорунун эсептөөлөрүнө караганда, азыркы саатка карата шайлоочулар коллегиясынын 246 добушуна Трамп, 210 добушуна Харрис ээ болууда. Өлкөнүн 47-президенти болуп шайланыш үчүн 270 добуш талап кылынат.
Эл аралык мунапыс уюму (Amnesty International) өзү окуган Тегеран университетинин жанында ич кийимчен басып жүргөнү үчүн камалган студент кызды токтоосуз бошотууга чакырды. Окуя 2-ноябрда Ирандын баш калаасында болгон. Айрымдар муну аял укуктарынын басмырланышына каршы акция катары кабыл алышты.
Дагы жүктөңүз
