Дүйнөлүк саламаттыкты сактоо уюмунун аймактык директору Ханс Клюге Бишкекке келген маалда "Азаттык" радиосуна эксклюзивдүү маек курду. Ал саламаттык сактоонун мамлекет жана адамдар арасындагы орду, пандемиянын сабактары, аялдардын саламаттыкты сактоодогу ролу сыяктуу бир катар маселелерге токтолду.
Ош облусунда коронавирус жуктургандар алгач Ноокат районунда катталган. Алгач дарыгерлерге коргонуучу каражаттар жетпей, эл дүрбөлөңгө түштү. Дарыгерлер ошол учурда коркконунан ыйлаган, жумушка келбей койгон, кызыл аймакта иштеп, каза болгон кесиптештерин эскеришет.
Улуттук онкология жана гематология борборуна нур менен тездетип дарылоочу жаңы эки жабдуу келди. 2018-жылдан берки маселе акыры чечилип, Англияда чыккан "Электра" жабдуусу рак оорусуна чалдыккан бейтаптарды май айынан тарта кабыл алууга даяр. Эми чет мамлекетке каттагандар Бишкектен дарылана алышат.
Врач-кардиолог, саламаттык сактоонун отличниги Күмүшбек Алтыкеев 2020-жылдын 16-июлунда өпкөсүнөн кагынып, өзү иштеген Бишкек шаардык №1 клиникалык оорукананын жандандыруу бөлүмүндө кайтыш болгон. Ал иш үстүндө коронавирусту жуктуруп каза болгон Кыргызстандагы 104 медицина кызматкеринин бири.
Дагы жүктөңүз