Кой-Таш окуясы боюнча үч жылдан бери уланып жаткан соттук жараян дагы эки айга узартылды. Сот муну карала турган материалдардын көптүгүнө байланыштырды. 17-апрелдеги соттук отурумда айыпталуучулар акыркы сөзүн сүйлөп, өкүм чыгышы мүмкүн экени айтылып жаткан.
Тажикстанда мамлекеттик төңкөрүшкө айыпталып узак мөөнөткө соттолгон саясий ишмерлердин үй-мүлкүн конфискациялоо башталды.
Кыргызстанда "Президентти жана Жогорку Кеңештин депутаттарын шайлоо” мыйзамына өзгөртүүлөр кирди. Ага ылайык, кийинки президенттик шайлоонун мөөнөтү аныкталып, 2027-жылдын 24-январында өтмөй болууда. Буга удаа Жогорку Кеңештин депутаттарын шайлоо мыйзамы да өзгөрүүгө учурады.
Бир нече өлкөнүн аскер жетекчилери ушул аптада Түркиянын Аскер-деңиз флотунун Анкарадагы штабында жашыруун сүйлөшүүлөрдү өткөрүүдө. Сүйлөшүүлөрдүн максаты — Орусия менен Украина ок атышууну токтоткон учурда Кара деңиздеги коопсуздукту камсыз кылуу.
Жарандык активист, укук коргоочу Рита Карасартова 12-майга чейин камалды. Мындай чечимди Свердлов райондук сотунун судьясы 17-апрелге караган түнү кабыл алганын "Азаттыктын" жеринде жүргөн кабарчысы Айбек Бийбосунов билдирди.
АКШ президенти Трамп мыйзамсыз жүргөн мигранттар боюнча жаңы программа ишке киргизерин билдирди. Ал мигранттардын өлкөдөн өз ыктыяры менен чыгып кетиши үчүн акча сунушталарын айтты. Буга чейин CBP One тиркемеси аркылуу киргендерге АКШдан чыгып кетүүнү талап кылган каттар келе баштаган.
Жалал-Абад облусунун Ала-Бука районунун Ак-Тайлак айылында 14-апрелде жүргөн сел көчөдө турган эки автоунааны агызып, үч көпүрөнү алып кеткен. Мындан тышкары Аксы районунда жолду каптаган. Баткен районунун Ак-Татыр, Самаркандек жана Алтын-Бешик айыл аймактарынын айрым тилкелерин суу каптаган.
Чүйдүн Молдовановка айылындагы №27 колонияда жазасын өтөп жаткан 35 жаштагы Тилек уулу Адилет каза болгону кабарланды. Жакындары анын абакта сабалганын, катуу токмоктон улам каза болгонун айтып жатышат. ЖАК 14-апрелде эки кишинин өлүмүн ырастап, алар ден соолугуна байланыштуу каза болгонун билдирди.
Эмгек сиңирген артист, таланттуу комузчу Анара Эсенгулова 62 жашында каза тапты. Сөөгү 12-апрелде Балыкчыга коюлду. Көзү тирүүсүндө ал Эл артисти наамын алууну самап, ниети ишке ашпаган. Жакындан билгендер ал оор кайгыдан улам чыгармачыл жигери басаңдап, таланты ташыркап калганын эскеришет.
Москвадагы “Бодрость” мончосунда кыргызстандык мигранттар кабылган окуяга байланыштуу парламентте ТИМдин дарегине ачуу сын айтылды.
АКШ, Евробиримдик, Бириккен Улуттар Уюму орус армиясынын 13-апрелде Украинанын Сумы шаарына жасаган кандуу чабуулун кескин айыпташты. Жекшембидеги кол салуу 35 адамдын өмүрүн алды. 117 киши жараат алды, алардын арасында 15 бала бар.
Кытай жарандарынын Украина же Орусиянын тарабында согушуп жатканы тууралуу маалыматтар согуштун алгачкы күндөрүнөн бери тараса да, Зеленскийдин акыркы билдирүүсү дүйнө коомчулугунун көңүлүн бурду.
Дагы жүктөңүз
