Баткендиктердин негизги кирешеси болгон өрүктүн түшүмү жылдагыдан кыйла жакшы. Өрүктүн 20 дан ашык сорту өстүрүлгөн аймакта "сары кыздын тою" башталып, эл өрүк терүүгө жапырт киришти. Эрте бышкан "ак өрүк" сорту экспортко чыгарыла баштаганы менен баа өткөн жылга салыштырмалуу 6-7 эсе арзан.
Бишкекте күн ысыгандан тарта таза суу тартыштыгы күч алды. Өзгөчө шаардын жака-белиндеги Арча-Бешик, Ак-Ордо, Ак-Жар өңдүү жаңы конуштардын жашоочулары сууга жетпей атканын айтышууда.
Кыргызстандын өкмөт өкүлдөрү сүткө байланыштуу чектөөлөрдү сүйлөшүү үчүн Москвага барды
Ош базардын так ортосунда жайгашкан гүл базарда акыркы эки күндө соода кызыды. Базарда бир даана роза түрүнө жараша 120 сомдон, 170 сомго чейин сатылса, жоогазындардын баасы 120 сомдон башталат. Каалоочулар үчүн сатуучулар кооз букет да жасап беришет.
Өткөн аптада Кыргызстанда мөмө-жемиштерди өстүрүп, саткан фермерлердин башын кошкон жыйын өттү. Анда мөмө-жемишти экспорттоо, жаңы технологияларды пайдалануу тууралуу сөз болду. Катышуучулар бир эле мөмө аркылуу экспорттун көлөмүн 1 миллиард долларга чыгаруу планы бар экенин жарыялашты.
“Азаттык” эл аралык иликтөөчү журналисттердин материалында Беларуска Евробиримдиктин санкцияларын айланып өтүүгө жардам көрсөткөнү айтылган кыргыз компаниялардын негиздөөчүлөрүн тапты. Алар иликтөөдө айтылган фактыларды четке кагышты.
Ашлямфу - крахмал менен камырдан жасалган муздак жана ачуу тамак. Ал эчак эле Каракол шаарынын визиттик картасына айланган. Ашлямфунун эң даамдуусу "Ак-Тилек" базарында сатылат. Базарга ашлямфунун даамын татып көрүү үчүн келген туристтердин да, жергиликтүү элдин да аягы үзүлбөйт экен.
Дагы жүктөңүз
