Түндүк-Түштүк (Балыкчы - Жалал-Абад) альтернативдүү унаа жолунун 334-340-чакырымында кар көчүп, унааларды басып калган. Көчкүдөн кийин үч кишинин дайыны чыкпай жатат. Алардын экөө кытай, бирөө кыргыз жараны - 24 жаштагы Адилет Көккөзов. Издөө иштери 14-февралдан бери уланып жатат. Издөө иштерин жүргүзүп жаткандар өкмөттөн кар тазалаганга техникадан жардам сурап жатышат. Өзгөчө кырдаалдар министрлиги кар калың түшүп калгандыктан жолду тазалап, издөө иштери жүрүп жаткан аймакка техниканы жеткирүү кыйын болуп жатканын билдирди.
Кырсык
Сокулукта сабалып ооруканага түшкөн 1 жаш 8 айлык Егордун абалын дарыгерлер туруктуу деп баалап жатышат. Наристени уруп-сабоого шектүү катары жергиликтүү тургун камалды. Сокулук райондук ооруканасынын жандандыруу бөлүмүнө 3-февралда эки жашка чыга элек наристе колу, буту күйүп, бети-башы, денеси жана жыныс органы көгала так, кесилген абалда түшкөн.
