"Азаттыктын" Жалал-Абаддагы кабарчысы.
Жалал-Абад шаарынын тургуну Гулзада Калыкова дары чөптөрдөн экосамын жасап, чакан ишкерлигин кеңейтип жатат. Химия сабагынан мугалим болуп иштеген аял турмуш-шарттын айынан Орусияга кетип, ал жакта он жылдай эмгектенген. Андан соң ден соолугунан улам мекенине кайтып келип, ишкерликке киришкен.
Америкалык ыктыярчы Бен Харнден Базар-Коргон районундагы мектепте англис тилинен сабак берип иштеп жатат. Аны айылдыктар Бекжан деп аташат. Кыргызстанга былтыр келген Бен азыр эл менен аралашып, кыргыз тилинде эркин сүйлөп, бош убактысында ат минип, улакка да барат.
Жалал-Абадда пахтанын баасы арзандап, дыйкандар жыл сайын анын аянтын кыскартып жатышат. Пахтанын килограммы ушул тапта 65 сом турса, 2-3 жыл мурда 115 сом болчу. Ал ортодо жергиликтүү бийлик аймакта пахтаны кайра иштетип, кездеме чыгаруу үчүн атайын класстер түзүүнү көздөп жатканын билдирди.
Сузак-Кара-Дарыя багытындагы 5 чакырымдан ашуун жол кеңейтилип, 100дөн арбын үй жана 90дой коммерциялык имарат жылдырылып жатат.
"Азаттык" Украинадагы согушка кеткен бир нече каармандын кайгылуу окуясын баяндоо менен Орусиянын түрмөлөрүндө мигранттарды кан күйгөн кармашка айдоо дагы эле уланып жатканын көрсөтөт. Белгилүү себептерден улам берүүдө сүйлөгөн каармандардын жүзүн жаап, атын өзгөртүп беребиз.
Жалал-Абаддын Сузак районунда 18 жаштагы жигиттин өлүмүнө байланыштуу 30-сентябрда маркумдун жакындары облустук бийликтин имаратынын алдына нааразылык акциясына чыкты. Алар тергөөнүн жүрүшүнө нааразы болуп жатышат.
Баткенде Орусиядан миграциядан кайткан жарандарга колдоо көрсөткөн долбоор иштеп жатат. Коомдук уюмдун жана донорлордун колдоосу менен чакан ишкерлик боюнча окуулар уюштурулуп, каражат да берилет. Орусиядагы абалдан улам мекенине кайткан мигранттар көбөйгөн шартта бул долбоордун мааниси артууда.
Сузак районунда дайынсыз болуп жаткан 18 жаштагы баланын сөөгү 15 күндөн кийин табылды. Анын өлүмүнө шектелип беш бала камакка алынды. Алдын ала маалымат боюнча бала мушташтан каза болгону айтылууда.
Кыргызстанда токойлор өлкөнүн алты пайызынан аз аянтты ээлейт. Анын басымдуу бөлүгү Жалал-Абад облусунда. Эң эле уникалдуусу жаңгагы менен таанылган Арстанбап токою. .
Кара-Көл шаарында үй-жайы күйүп кеткен 16 үй-бүлө боз үйдө баш калкалоого аргасыз. 13-августта алар жашаган барак тибиндеги эки кабат үйдө өрт чыгып, жашоого такыр жараксыз болуп калды. Эми тургундар үй-жайын кантип калыбына келтирүүнү билбей турушат.
Кыргызстандын Жалал-Абад аймагында экотуризм тармагын өнүктүрүү аракети күч болууда дейт ишкерлер. Быйыл коңшу Өзбекстандан келген туристтердин саны көп болгон. Аймактагы кабарчыбыз экотуризм кеңири жайылып жаткан кооз жайлардын бири - Аксынын Кара-Камыш көлүндө болуп келди.
Жалал-Абаддын Аксы районунда үйүн сел жууп кеткен үй-бүлө коңшусунун үйүндө күн кечирип, башка турак жай салууга чама-чаркы жетпей жатканын айтып жатышат. Өзгөчө кырдаалдар министрлиги аларга сегиз жыл мурда ссуда бөлүнгөнүн билдирди. Жабыркагандар ал жерден көчпөй, үйүн камсыздандырган эмес.
Базар-Коргон районунун Арстанбап айыл аймагында 23-июлда сел жүрүп, үйлөрдү каптады. Ылайланып кирген суу 23 машинаны агызып кетти.
Өзгөчө кырдаалдар министрлиги Арстанбаптагы сел тогуз үйдүн короосуна киргенин, 23 машинени агызганын билдирди.
Сары-Челек коругунда соңку жылдары эс алуучулар, анын ичинде чет элдик туристтер көбөйдү. Жергиликтүү эл чакан конок үйлөрдү ачып, меймандарды заманбап шарттар менен тосуп алып жатат. Ошол эле учурда экологдор бул аймак биочөлкөм экенин эске алып, ага аяр мамиле зарылдыгын эскертишет.
Жалал-Абад шаарында суусундук сатылган күркөдөгү жарылуудан 17 жаштагы кыз каза болду. 13-июлда болгон бул окуяга байланыштуу бир нече кызмат адамдары камалды. Шаарда кычкылтек жана газ баллондор орнотулган коомдук жана соода жайлары текшерилип, айрымдарына эскертүү берилди.
Орусиядагы кыргызстандык мигранттар соңку мезгилде Москвадагы "Сахарово" миграциялык борборуна түшкөндөр көп болуп, ал жакта укуктары бузулуп жатканын айтууда. Расмий маалыматка караганда, бул борбордо Кыргызстандын 173 жараны кармалып турат. Бул жайга кирип чыккан мигранттар жана алардын жакындары “Азаттыкка” борбордун кармоо шарттары туурасында айтып берди. Мигранттар менен иштеген укук коргоочулар "Сахаровону" Украинадагы согушка тартуунун негизги очогу деп эсептешет.
21-июнда кечкисин жүргөн селден Ноокендеги үч айылдагы 178 үйдүн короосун сел каптап, ондой турак үйдүн ичине ылай толгон. Жергиликтүүлөр акыркы 10 жылдан бери мындай селди көрбөгөнүн айтууда. Кокту-колоттон аккан суу эгин талааларын да талкалап кеткенин көрүүгө болот.
Жалал-Абаддын Базар-Коргон районуна караштуу Каба айылында жашаган 74 жаштагы акын жана котормочу Курбан Саттар тууралуу айтып беребиз. Ал Алыкул Осмоновдун ырлар жыйнагын өзбек тилине которуп, мектеп программасына киргизген.
17-июндун кечинде Ноокен районуна караштуу Момбеков айыл өкмөтүнүн Эски-Кочкор-Ата жана Бостон айылдарында сел жүрдү. Эски Кочкор-Ата айылында 10 жаштагы өспүрүмдү сел агызып, каза тапты. Эки айылда 300 үйдүн тургундары эвакуацияланды.
Дагы жүктөңүз
