Жогорку Кеңештин сессиясы бүгүн «Кыргызстандын көз карандысыздыгынын он беш жылдыгына байланыштуу мунапыс берүү жөнүндө» мыйзам долбоорун талкуулады жана бейшемби күнкү добуш берүүгө сунуштады. Бул мыйзам кабыл алынса, 185 киши абактан бошотулуп, 5800 адамдын жаза мөөнөтү кыскартылат. Долбоордо 24-март, 17-июнь окуяларында айыпталгандарга да мунапыс берүү да каралган.
Жогорку Кеңеш сессиясы бүгүнкү отурумунда депутат Каныбек Иманалиев сунуштаган оппозициянын ишмердигине укуктук кепилдиктерди түзүү жөнүндө мыйзам долбоорун талкуулады. Регламентке ылайык долбоор бейшемби күнү добушка коюлат. Ушуга эле үндөш долбоорду парламентке Кыргыз өкмөтү жакынкы күндөрү сунуштаганы турат. Бирок, аталган эки долбоор тең оппозициянын кескин сынына тушугууда.
Жогорку Кеңештин Коргонуу, коопсуздук, тартип жана маалымат саясаты комитети кечээки отурумунда башкы прокурор Камбараалы Конгантиевдин ишмердүүлүгүн канагаттандырарлык эмес деп таап, кылмыш жообуна тартуу демилгесин көтөрүп чыкты. Комитет ошондой эле Камбараалы Конгантиевге ишеним көрсөтпөө маселесин карап чыгууну парламентке сунуштады.
Европадагы коопсуздук жана кызматташтык уюмунун Демократия институту жана Адам укуктары боюнча бюросунун демилгеси менен 4-октябрдан бери Варшава шаарында адам укуктарынын жана эркиндиктеринин абалы талкууланып жатат. Бул жыйынга Кыргызстандын акыйкатчысы, Президенттин адам укуктарын коргоо боюнча комиссиясынын төрагасы, жарандык коомдун жоон топ өкүлдөрү катышууда. Жыйында Кыргызстандын өзбек качкындарын мекенине күч менен кайтарып бериши кескин сынга кабылууда.
Ушул аптанын жума күнү Кыргызстандын мурдагы президенти Аскар Акаевдин уулу Айдар Акаевди Борбордук шайлоо комиссиясы депутаттык мандаттан ажыраткан чечим чыгарды. Өткөн жылы сентябрда Жогорку Кеңеш аны башкы прокурордун сунушу менен депутаттык кол тийбестик укуктан ажыраткан. Кыргыз коомчулугунда Айдар Акаев кылмышкерби же жеке адамга сыйынуучулуктун курмандыгыбы, деген ар кыл пикирлер айтылууда.
Кыргызстан менен Өзбекстан он жылдык тыныгуудан кийин кайрадан өз ара түшүнүшүүгө жетишти жана бири-бирине пайдалуу, теңата кызматташтыкты арттырууну макулдашты. Президент Курманбек Бакиевдин Ташкенге алгачкы расмий сапарынын жыйынтыктарына байланыштуу бүгүн Бишкекте тышкы иштер министри Аликбек Жекшенкулов ушундай мазмунда билдирүү жасады. Укук коргоочулар Бакиевдин алгачкы сапарында адам укуктары жаатындагы маселелер экинчи орунга чыгып калганын белгилешүүдө.
Жогорку Кеңештин коргоо, коопсуздук, укук тартиби жана маалымат саясаты комитети өзүнүн кезектеги отурумунда Кыргызстандагы маалымат каражаттарынын абалына арнап парламенттик угуу өткөрүү чечимин чыгарышты. Демилгенин пайда болушуна «Пирамида» телерадиокомпания жабдыктарынын өрттөлүп кетишине байланыштуу Жогорку Кеңешке жолдонгон кайрылуу себеп болду.
Жогорку Кеңештин депутаты Азимбек Бекназаров жетегиндеги жумушчу топ иштеп чыккан Конституциянын үч долбоору октябрь ичинде парламенттик талкууга коюлары күтүлүп жатат. Муну Азимбек Бекназаров бүгүн жемишсиз аракет катары баалап, президент Курманбек Бакиев Баш мыйзамдын жаңы долбоорун өзү даярдап жаткандыгын кабарлады.
Кыргызстандын оппозициялык күчтөр 2-ноябрда президент Курманбек Бакиев менен премьер-министр Феликс Куловдун кызматтан кетишин талап кылган мөөнөтсүз митингге чыкмай болушту. Мындай чечимди «Реформа үчүн» кыймылынын кеңеши ишембиде кабыл алган. Кеңештин чечимин коомчулукка бүгүн кыймылга кирген социалисттик «Атамекен», Социал-демократтар, «Ар-намыс», «Асаба» партияларынын лидерлери жарыялашты.
Президенттин бир тууган иниси Жаныш Бакиев бүгүн Бишкекте аны депутат Өмүрбек Текебаевге каршы чагымды уюштурду деген айыптоону төгүндөгөн билдирүү жасады.
Жогорку Кеңеш бүгүн «Терроризмге каршы күрөш жөнүндөгү» жаңы мыйзам долбоорун талкуулоого киришти. Буга чейин терроризмге каршы күрөш 1999-жылы кабыл алынган мыйзамдын чегинде жүрүп келген. Демилгечилер азыркы жагдайда бул мыйзамдын алкагында иш жүргүзүү кыйындап кеткендигин белгилешүүдө.
Жогорку Кеңеш менен Коргоо министрлигинин ортосундагы пикир келишпестиктин себептерин иликтөө максатында парламент бүгүн депутаттык комиссия түздү. Буга Жогорку Кеңештин имаратынын алдында биринчи августта болгон окуя түрткү берди. Бул күнү Коргоо министрлигинин аскер бөлүгү имараттын аймагына аскерий автоунаалар менен келишип, муну аскерий машыгуу деп түшүндүрүшкөн.
Башкы прокурор Камбараалы Конгантиевге байланыштуу кызматтык иликтөө жүргүзүүнү, анын негизинде кылмыш жообуна тартууну сунуштаган кайрылууну президент Курманбек Бакиевге кызматтан четтетилген жана кызматы кичирейген прокурорлор тобу жолдошту. Алар күздө башкы прокурордун маселесин кароону сурап Жогорку Кеңешке да кайрылууну көздөп жатышат. Прокурорлор Конгантиев кадр саясатында баш аламандыкка жол берүүдө жана ал аркылуу жалпы прокуратура тармагын жаманатты кылып жатат дешет. Башкы прокурордун өкүлү бул аракеттерди жалаа деп эсептейт.
Кыргызстандын тышкы иштер министри Аликбек Жекшенкулов Түштүк Корея тышкы иштер министринин чакыруусу боюнча 10-июлда Сеулга кетти.Cапардын максаты-эки өлкөнүн ортосундагы саясий, экономикалык, гуманитардык маселелер боюнча мамилелерди чыңдоо экенин министр «Азаттыкка» сапар алдында берген интервьюсунда баcа белгиледи.
Кыргызстан менен Москва кызматташтыгында социалдык багыттагы инвестициялык алакаларга артыкчылык берилет. Кыргызстанга таанышуу сапары менен келген Москва мэри Юрий Лужков өкмөт үйүндө өткөн маалымат жыйынында ушинтип билдирди. Москва мэри менен өкмөт үйүндө президент Курманбек Бакиев, премьер министр Феликс Кулов баштаган мамлекеттик жетекчилер чакан жана кеңири чөйрөдө жолугушуп, кызматташтыктын багыттарын талкуулашты.
Парламент депутаттары Жерүй жана Талдыбулак алтын кендерине байланышкан маселени бир жаңсыл чечүүгө президенттин киришүүсү зарыл деп эсептешүүдө. Анткени, алтын кендерин чет элдик инвесторлорго тендер аркылуу берүү жөнүндө парламенттин талабын өкмөт аткарбай баш тартууда.
“Асаба» улуттук кайра жаралуу саясий партиясы анын лидери Азимбек Бекназаровдун элдик курултай өткөрүү демилгесин колдойт. Ушундай мазмундагы кайрылууну 12-июнда партиянын ордо кеңеши таратты. Азимбек Бекназаров 2-июлда Кочкоратада элдик курултай өткөрүп, анда «Акаевдин отставкасы жана эл үчүн реформа» чакырыгынын экинчи баскычын ишке ашырууну эл менен кеңешүү демилгесин көтөргөн. Курултай эмне максатты көздөйт жана кайсы маселелерге маани бериши мүмкүн?
«Асаба» улуттук кайра жаралуу саясий партиясынын лидери, Кыргызстан элдик кыймылынын жетекчилеринин бири, Жогорку Кеңеш депутаты Азимбек Бекназаров жаңы бийликке ачык оппозицияга чыкканын жарыялап, коомдук-саясий чөйрөнүн көңүлүн өзүнө бурду.
Узап бараткан апта ичи Кыргыз коомчулугунун алдыңкы катмары кыргыздын чыгаан уулу, «Азаттык» үналгысынын негиздөөчүсү, маркум Азамат Алтайды эскеришти. Улуу Ата мекендик согуштан кийин мекенине кайтпай калган Кудайберген Кожомбердиев бир апта мурун 86 жаш курагында Нью-Йорк шаарында дүйнө салып, анын сөөгү ошол эле шаардагы мусулмандар көрүстөнүнө коюлду
БИШКЕК. Антитеррордук коалициянын аба-аскер күчтөрүн Кыргызстанга жайгаштыруу боюнча жаңы келишим долбооруна байланышкан сүйлөшүүнүн биринчи этабы соңуна чыкты, бирок, аталган маселе боюнча кандайдыр бир жыйынтык айтуу али эртелик кылат. Бул тууралуу «Азаттыкка» тышкы иштер министри Аликбек Жекшенкулов билдирди. Министрдин айтымында, талкуунун негизин экологияга, салыкка, коопсуздукка, ижарага байланышкан маселелер түзүүдө. Роберт Лофтес баштаган америкалык делегация Вашингтон менен акылдашкандан кийин сүйлөшүүлөрдүн экинчи этабы уланат. Анын мөөнөтү кошумча такталат. Америкалык делегация бүгүн мекенине кайтмакчы.
Дагы жүктөңүз
