Шашылыш билдирүү
Кыргызгидромет борбору билдиргендей, 13-апрелде күн ысып, кардын тездик менен эришине байланыштуу жана 14-апрелде жер-жерлерде нөшөрлөп жааган жаандар улам тоолуу жана тоо этектериндеги райондордо сел жүрүшү, дарыяларда суунун деңгээли көтөрүлүшү мүмкүн.
Аба ырайы
14-апрелде түнкүсүн Чүй, Ош, Жалал-Абад, Баткен, Нарын облустарынын көпчүлүк аймактарында, Талас, Ысык-Көл облустарынын айрым жерлеринде жаан жаап, күн күркүрөйт, бийик тоолуу райондордо кар жаайт.
Күндүз көпчүлүк аймактарда жаан жаап, күн күркүрөйт, бийик тоолуу райондордо кар жаайт. Чүй, Ош, Жалал-Абад, Ысык-Көл облустарынын айрым жерлеринде жаан-чачын катуу жаашы күтүлөт. Бийик тоолуу райондордо жолдор тоңголок жана тайгак болот.
Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетет.
Абанын температурасы
Чүй өрөөнүндө түнкүсүн 11…16, күндүз 17…22;
Таласта түнкүсүн 7…12, күндүз 17…22;
Баткен, Ош, Жалал-Абад облустарында түнкүсүн 12…17, күндүз 19…24;
Ысык-Көл облусунда түнкүсүн 5…10, күндүз 13…18;
Нарын облусунда түнкүсүн 3…8, күндүз 14…19;
Бишкек мезгил-мезгили менен жаан жаап, күн күркүрөйт. Батыштан соккон шамалдын ылдамдыгы секундасына 4-9 метрден, 14 метрге жетет. Абанын түнкү төмөнкү температурасы 13…15°, күндүзгү жогорку температурасы 20…22° жылуу болушу күтүлөт.
Шерине