Кыргызстанда башталгыч класстарга бир гана кыргыз тилинде билим берүү боюнча мыйзам долбоору коомдук талкууга коюлду. Жогорку Кеңештин депутаты Миргүл Темирбаева сунуштаган долбоорго ылайык, жалпы негизги жана орто билим берүү үч тилде жүргүзүлөт.
“Англис тили технологияда жана бизнесте басымдуу тил болуп саналат. Дүйнөдөгү ири эл аралык технологиялык компаниялар жана корпорациялар байланыш жана документ жүгүртүү үчүн негизги тил катары англис тилин колдонушат. Англис тилин үйрөнүү биздин жарандарга жумуш табууда жана ар кайсы өлкөлөрдүн адистери менен бизнес байланыш түзүүдө артыкчылык берет алат”, - деп жазылган мыйзам долбоорунун түшүндүрмөсүндө.
Үч тилдүү билим берүү системасынын шартын Министрлер кабинети түзүп чыгары жазылган.
Мындай сунушту былтыр Жогорку Кеңештин төрагасы Нурланбек Тургунбек уулу да берип, Билим берүү жана илим министрлигине 4-класска чейин жалаң кыргыз тилинде окутууну сунуштаган.
Учурда “Билим берүү жөнүндө” мыйзамына ылайык, мектепте, жогорку окуу жайда жана билим берүүнүн бардык деңгээлинде кыргыз, орус жана чет тилдеринин биринде окутуу каралган.
Кыргызстанда 2350дөй мектеп бар, аларда болжол менен 1,5 миллионго жакын окуучу билим алат. Жалпысынан 74 миңге жакын мугалим иштейт. Былтыр 1-сентябрда мектеп босогосун 150 миңдей бала аттаган. (TAb)
Шерине