Билим берүү жана илим министрлиги окуучулардын билим жетишкендиктерин эл аралык баалоо программасынын (PISA-2025) алгачкы үч күнүндө Кыргызстанда 1381 окуучу тест тапшырганын билдирди. Анын ичинен 1054ү кыргыз тилинде, 145и орус тилинде жана 183 окуучу тесттен өзбек тилинде өттү.
Тестирлөөгө өлкөдөгү 197 жалпы билим берүү уюмунан 6700дөн ашуун окуучу катышат. Изилдөөнү өткөрүү үчүн Билим берүүнүн сапатын өнүктүрүү департаменти 14 мобилдик топ түздү. 1-апрелде башталган өнөктүк 30-апрелде аяктайт.
Изилдөөнүн жыйынтыктоочу отчёту 2026-жылдын аягында жарыяланат, ал Кыргызстандагы билим берүү системасынын абалы боюнча кеңири талдоо жүргүзүүгө мүмкүндүк берери айтылган.
PISA (Programme for International Student Assessment) – мектеп окуучуларынын окуудагы жетишкендиктерин баалоочу эл аралык программа. Тест түрүндө 2000-жылдан бери үч жылда бир өткөрүлүп келе жаткан сынакка 15 жаштагы окуучулар катыша алышат.
Ага Кыргызстан 2006 жана 2009-жылдары катышып, акыркы орунду алгандан кийин катышпай келаткан. (BTo)
Шерине